مەملەكەت باسشىسى قاسىم-جومارت توقاەۆ Kaspi.kz كومپانياسىنىڭ تەڭ قۇرىلتايشىلارى ۆياچەسلاۆ كيم مەن ميحايل لومتادزەنى قابىلدادى، دەپ حابارلايدى “ادىرنا” ۇلتتىق پورتالى اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسىنا Kaspi.kz قىزمەتىنىڭ ناتيجەلەرى مەن دامۋ پەرسپەكتيۆالارى تۋرالى باياندالدى.
ۆياچەسلاۆ كيم مەن ميحايل لومتادزە قاسىم-جومارت توقاەۆقا Kaspi.kz سايتىنىڭ اقش-تاعى NASDAQ بيرجاسىندا ءساتتى IPO-عا وتكەنى تۋرالى ايتىپ بەردى. بۇل بيرجادا Apple, Amazon, Google جانە باسقا دا كوپتەگەن الەمدىك جەتەكشى تەحنولوگيالىق كومپانيالاردىڭ اكتسيالارىنىڭ ءتىزىمى بەرىلگەن.
مەملەكەت باسشىسى Kaspi.kz قۇرىلتايشىلارىن وسى جەتىستىگىمەن قۇتتىقتادى.
سونداي-اق مەملەكەت باسشىسى ۆياچەسلاۆ كيممەن جانە ميحايل لومتادزەمەن ەلىمىزگە الەمنىڭ جەتەكشى ينۆەستورلارىن ودان دا كوپ تارتۋ ءۇشىن ينۆەستيتسيالىق احۋالدى جاقسارتۋ پەرسپەكتيۆالارىن تالقىلادى.
“ادىرنا” ۇلتتىق پورتالى
