«مايقايىڭالتىن» اق اۋماعىنداعى اپاتتى تەرگەۋ جونىندەگى كوميسسيا تەكسەرىس ناتيجەسىن جاريالادى. بۇل تۋرالى وبلىستىق توتەنشە جاعدايلار دەپارتامەنتى ايتتى، دەپ حابارلايدى «ادىرنا» ءتىلشىسى.
تەرگەۋ 4-24 قاڭتار ارالىعىندا جۇرگىزىلدى.
«كوميسسيا 7 جاۋاپتى ادامدى انىقتادى، ولاردىڭ ارەكەتى سالدارىنان جازاتايىم وقيعا بولدى. ەڭبەك زاڭناماسىنا سايكەس تەرگەۋ ماتەريالدارى قۇقىق قورعاۋ ورگاندارىنا جىبەرىلدى»، - دەلىنگەن حابارلامادا.تەرگەۋ ناتيجەلەرىنە سايكەس اپاتقا مىنا جاعدايلار سەبەپ بولعان:
- جۇمىس ءوندىرىسى دۇرىس ۇيىمداستىرىلماعان;
- «مايقايىڭالتىن» اق جاۋاپتى تۇلعالارى تاراپىنان تاۋ-كەن جۇمىستارىنىڭ قاۋىپسىز جۇرگىزىلۋىنە وندىرىستىك باقىلاۋ ءتيىستى تۇردە جۇزەگە اسىرىلماعان;
- بلوكتاردى وڭدەۋ كەزىندە قازبالاردان قۇلاۋ پروتسەسىن باقىلاۋ دۇرىس جۇرگىزىلمەگەن.
