سولتۇستىك كورەيا جاپون تەڭىزىنە قاراي بىرنەشە قاناتتى زىمىراندى ۇشىردى، دەپ حابارلايدى "ادىرنا" ءتىلشىسى Bloomberg-كە سىلتەپ.
اسكەري زىمىراندار جەرگىلىكتى ۋاقىت بويىنشا تاڭعى ساعات 8-دە ۇشىرىلعان.
ال وڭتۇستىك كورەيانىڭ اسكەري كۇشى كۇزەتتىڭ "كۇشەيگەنىن" ايتادى.
«بيىلعى جىلدىڭ باسىنان بەرى ءبىزدىڭ رەسپۋبليكاعا قارسى يادرولىق سوعىس جاتتىعۋلارى جوعارى قارقىنمەن جالعاسىپ كەلەدى. ءبىز سولتۇستىك كورەيانىڭ قوسىمشا بەلگىلەرى مەن ارەكەتتەرىن باقىلاۋدى جالعاستىرامىز»، — دەدى وڭتۇستىك كورەيانىڭ شتاب باستىقتارى كوميتەتى مالىمدەمەسىندە.
ەستەرىڭىزگە سالا كەتەيىك، سولتۇستىك كورەيا شىعىس تەڭىز ايماعىندا وڭتۇستىك كورەيا، اقش جانە جاپونيانىڭ بىرلەسكەن جاتتىعۋلارىنا جاۋاپ رەتىندە «حەيل-5-23» سۋ استىنداعى يادرولىق قارۋ جۇيەسىن سىناقتان وتكىزدى.
