ساتباەۆقا “قارا قار” تۇسكەن. ماماندار بۇل جاعدايدى “Kazakhmys Distribution” جشس قازاندىعىنان شىققان گازعا بايلانىستى ەكەنىن ايتتى، دەپ حابارلايدى “ادىرنا” ۇلتتىق پورتالى قازتاگقا سىلتەمە تاستاپ.
دەپارتامەنتتىڭ بەرگەن جاۋابى بويىنشا، ساتباەۆقا جانباعان كومىردىڭ شاڭى تۇسكەن.
“2024 جىلدىڭ 31 قاڭتارىندا كۇندىز ساتباەۆ قالاسىنىڭ تۇرعىندارىنىڭ بارلىعى دەرلىك “قارا قاردىڭ» تۇسكەنىنە كۋا بولدى. قارا قاردىڭ تۇسۋىنە «Kazakhmys Distribution جشس-ءنىڭ قازاندىقتاعى پايدالانىلعان گازداردان اۋانىڭ لاستانۋى سەبەپ بولعانى انىقتالدى”، - دەپ جاۋاپ بەردى ۇلىتاۋ وبلىسى بويىنشا ەكولوگيا دەپارتامەنتى.
ەكولوگتاردىڭ ايتۋىنشا، "قازاقمىس Distribution" قازاندىعىنىڭ بارلىق جابدىقتارى مورالدىق تۇرعىدان ەسكىرگەن جانە تازارتۋ قۇرىلىستارىنىڭ دۇرىس جۇمىس ىستەمەۋى بايقالعان، جابدىقتى گەرمەتيزاتسيالاۋ بويىنشا بىرقاتار بۇزۋشىلىقتار انىقتالعان. سونىمەن قاتار، قازاندىق كۇلى جوعارى كومىردى تۇتىنۋعا ارنالعان جانە ونى كۇلى از كومىرگە اۋىستىرۋ تەحنيكالىق جاعدايدا مۇمكىن ەمەس ەكەنى ايتىلدى.
كومپانيا بىرنەشە رەت اكىمشىلىك جازاعا تارتىلدى جانە وعان نۇسقامالار بەرىلدى.
ال اقپان ايىندا ماماندار قازاندىقتى تەكسەرۋگە ۋادە بەرەدى.
“ادىرنا” ۇلتتىق پورتالى
