قازاقستاندا اۋرۋحانالار مەن ادامدار كوپ جينالاتىن ورىنداردا بەتپەردە كيۋ رەجيمى قايتا ورالۋدا، دەپ حابارلايدى “ادىرنا” ۇلتتىق پورتالى.
«وبلىستاردىڭ، الماتى، استانا، شىمكەنت قالالارىنىڭ دەنساۋلىق ساقتاۋ باسقارمالارىنىڭ، سانيتارلىق-ەپيدەميولوگيالىق باقىلاۋ كوميتەتىنىڭ اۋماقتىق دەپارتامەنتتەرىنىڭ باسشىلارى مەديتسينالىق ۇيىمداردا قىزمەتكەرلەر مەن كەلۋشىلەردىڭ مەديتسينالىق بەتپەردە كيۋىن، انتيسەپتيكتەردىڭ بولۋىن قامتاماسىز ەتسىن»، - دەلىنگەن دەنساۋلىق ساقتاۋ ءمينيسترىنىڭ قاۋلىسىندا.
دەنساۋلىق ساقتاۋ مينيسترلىگى بەتپەردە كيۋ قىزىلشا، كوروناۆيرۋستىق ينفەكتسيا، COVID-19, تۇماۋ جانە باسقا دا ءجىتى رەسپيراتورلىق ۆيرۋستىق ينفەكتسيالاردىڭ تارالۋىن بولدىرماۋ ءۇشىن قاجەت ەكەنىن اتاپ ءوتتى.
اۋەجايلار، ۆوكزالدار، اۆتوۆوكزالدار، بازارلار، ساۋدا ويىن-ساۋىق ورتالىقتارى، ساۋدا ۇيلەرى، تەاترلار، كينوتەاترلار، حالىققا قىزمەت كورسەتۋ ورتالىقتارى، بانكتەر جانە باسقالار، كولىكتىڭ بارلىق تۇرلەرىندە – قوعامدىق كولىكتە، اۋەدە، تەمىرجولدا بەتپەردە كيۋ مىندەت.