ەر ادام ءوزىن بوپسالاعانداردان قاشامىن دەپ اۋىر جاراقات الدى، دەپ حابارلايدى "ادىرنا" ءتىلشىسى.
ىشكى ىستەر مينيسترلىگىنىڭ مالىمەتىنشە بوپسالاۋشىلار توبىن انىقتاۋعا جانە ولاردىڭ جولىن كەسۋگە ەرەكشە نازار اۋدارىلعان.
"اۋىر قىلمىس جاسادى" دەپ كۇدىككە ىلىنگەن قىزىلوردا وبلىسىنىڭ التى تۇرعىنى استانا – پاۆلودار اۆتوجولىندا قولعا تۇسكەن.
بوپسالاۋشىلار ەكى ادامدى كولىككە كۇشتەپ وتىرعىزىپ، پاتەرگە الىپ كەلگەن. ولاردىڭ تىنىش وتىرۋى ءۇشىن ۇرىپ-سوعۋ ارقىلى قورقىتىپ، قارۋ دا كەزەنگەن ەكەن.
جابىرلەنگەن ازاماتتىڭ ءبىرى پاتەردەن قاشپاق بولىپ، بەسىنشى قاباتتان سەكىرىپ كەتكەن. الايدا ول كوپ جاراقات الدى.
قازىر قىلمىستىق ءىس تەرگەلۋدە.
"بارلىق فاكتى بويىنشا كۇدىكتىلەر ۇستالدى. تەرگەۋ مۇددەسىندە وزگە اقپارات جاريالانبايدى. قۇرمەتتى ازاماتتار، ەگەر سىزدەر قىلمىستىق توپتار تاراپىنان قول سۇعۋشىلىققا تاپ بولساڭىزدار، دەرەۋ پوليتسياعا حابارلاسىڭىزدار. ءبىز ءسىزدىڭ اقپاراتىڭىزدىڭ قۇپيالىلىعىنا كەپىلدىك بەرەمىز جانە ءسىزدى قورعاپ، قاۋىپسىزدىگىڭىزدى قامتاماسىز ەتۋگە بار كۇش-جىگەرىمىزدى سالامىز", – دەدى وبلىستىق دەپارتامەنت باستىعى شىڭعىس الەكەشەۆ.
