Er adam ózin bopsalaǵandardan qashamyn dep aýyr jaraqat aldy, dep habarlaıdy "Adyrna" tilshisi.
Ishki ister mınıstrliginiń málimetinshe bopsalaýshylar tobyn anyqtaýǵa jáne olardyń jolyn kesýge erekshe nazar aýdarylǵan.
"Aýyr qylmys jasady" dep kúdikke ilingen Qyzylorda oblysynyń alty turǵyny Astana – Pavlodar avtojolynda qolǵa túsken.
Bopsalaýshylar eki adamdy kólikke kúshtep otyrǵyzyp, páterge alyp kelgen. Olardyń tynysh otyrýy úshin uryp-soǵý arqyly qorqytyp, qarý da kezengen eken.
Jábirlengen azamattyń biri páterden qashpaq bolyp, besinshi qabattan sekirip ketken. Alaıda ol kóp jaraqat aldy.
Qazir qylmystyq is tergelýde.
"Barlyq fakti boıynsha kúdiktiler ustaldy. Tergeý múddesinde ózge aqparat jarııalanbaıdy. Qurmetti azamattar, eger sizder qylmystyq toptar tarapynan qol suǵýshylyqqa tap bolsańyzdar, dereý polıııaǵa habarlasyńyzdar. Biz sizdiń aqparatyńyzdyń qupııalylyǵyna kepildik beremiz jáne sizdi qorǵap, qaýipsizdigińizdi qamtamasyz etýge bar kúsh-jigerimizdi salamyz", – dedi oblystyq departament bastyǵy Shyńǵys Alekeshev.
