Abai oblysy Şar qalasyndaǧy polisiia bölımınde tüsırılgen delıngen beinejazba äleumettık jelıde qyzu talqylanyp jatyr, dep habarlaidy "Adyrna" ūlttyq portaly.
Onda azamattyq kiımdegı er adamnyŋ polisiia formasyndaǧy qyzmetkerlerge rogatkamen ūqsas qūral arqyly oq atyp jatqany anyq körınedı.
Beinejazbada tärtıp saqşylarynyŋ qarsylyq körsetpesten qaşyp bara jatqany, al atqylauşy adamnyŋ külkıge kenelıp tūrǧany beinelengen.
Jazba avtorynyŋ mälımdeuınşe, rogatka ūstaǧan er adam – podpolkovnik şenındegı bölım basşysy, al oq jaudyru – onyŋ "tärbieleu ädısı" bolǧan.
"Qolastyndaǧylarǧa aŋşy siiaqty oq atady. Küledı. Būny tärbieleu dep aituǧa kele me? Būl – bilıkke mastanu", – delıngen jazbada.
Osy jaǧdaiǧa bailanysty Abai oblystyq polisiia departamentı resmi tüsınıkteme berdı. Vedomstvonyŋ habarlauynşa, qyzmettık tergeu taǧaiyndalyp, oqiǧa ornyna jeke qūram inspeksiiasy jıberılgen.
"Abai oblystyq polisiia departamentınıŋ jeke qūram inspeksiiasy atalǧan faktı boiynşa oqiǧa ornyna baryp, qyzmettık tergeu taǧaiyndady. Nätijesıne qarai zaŋ aiasynda şeşım qabyldanady", – dep mälımdedı departamenttıŋ baspasöz qyzmetı.
