جەلىدە 2 ميلليون قازاقستاندىقتىڭ جانە Zaimer.kz ميكروقارجى ۇيىمى كليەنتتەرىنىڭ دەرەكتەرى تاراپ كەتتى، دەپ حابارلايدى "ادىرنا" ۇلتتىق پورتالى مەملەكەتتىك تەحنيكالىق قىزمەتكە (متق) سىلتەپ.
«قولدا بار اقپاراتقا سايكەس، Zaimer.kz ميكروقارجى ۇيىمىنىڭ ينفراقۇرىلىمى حاكەرلىك شابۋىلدىڭ نىساناسىنا اينالعان. ەكى ميلليون قازاقستاندىقتىڭ جەكە دەرەكتەرى Telegram-دا جالپىعا قولجەتىمدى توپتا تاراعان، ونىڭ ىشىندە: اتى-ءجونى، تەلەفون ءنومىرى، ەلەكتروندىق پوشتاسى، جەكە كۋالىك دەرەكتەرى، تىركەۋ جانە تۇرعىلىقتى مەكەنجايى، جۇمىس تۋرالى اقپارات، سونداي-اق بانك كارتالارى مەن بانك شوتتارى تۋرالى مالىمەتتەرى بار»، - دەلىنگەن حابارلامادا.
ميكروقارجى ۇيىمىنىڭ (مقۇ) ۆەب-سايتى جانە ونىڭ IP مەكەنجايلارى قازاقستاندا ورنالاسقان. متق اقپاراتتىڭ تارالىپ كەتۋىن كوپتەگەن قارجى ۇيىمدارىنىڭ دەرەكتەرى جيناقتالعان (Robo Finance) (robo.finance) ينفراقۇرىلىمىنا جاسالعان شابۋىل سالدارىنان بولدى دەپ سانايدى.
«بۇعان دەيىن ساراپشىلار وسى مقۇ-عا قاتىستى بىرقاتار جالعان ۆەب-سايتتاردى انىقتاعان بولاتىن. بۇل سايتتاردىڭ بەتتەرىنە ءوتۋ كەزىندە پايدالانۋشىعا جوعارىدا اتالعان ۇيىمنان اقشالاي نەسيە الۋ ۇسىنىلدى. جالعان سايتتاردىڭ اتاۋلارى: zaim5min.com, vozmykredit.ru, vozmycredit.com, stpmrnlnk.com, mani24.kz, zm24.kz, cashlux.kz, zaim365.kz»، - دەپ حابارلايدى ماماندار.
