Jelide 2 mıllıon qazaqstandyqtyń jáne Zaimer.kz mıkroqarjy uıymy klıentteriniń derekteri tarap ketti, dep habarlaıdy "Adyrna" ulttyq portaly Memlekettik tehnıkalyq qyzmetke (MTQ) siltep.
«Qolda bar aqparatqa sáıkes, Zaimer.kz mıkroqarjy uıymynyń ınfraqurylymy hakerlik shabýyldyń nysanasyna aınalǵan. Eki mıllıon qazaqstandyqtyń jeke derekteri Telegram-da jalpyǵa qoljetimdi topta taraǵan, onyń ishinde: aty-jóni, telefon nómiri, elektrondyq poshtasy, jeke kýálik derekteri, tirkeý jáne turǵylyqty mekenjaıy, jumys týraly aqparat, sondaı-aq bank kartalary men bank shottary týraly málimetteri bar», - delingen habarlamada.
Mıkroqarjy uıymynyń (MQU) veb-saıty jáne onyń IP mekenjaılary Qazaqstanda ornalasqan. MTQ aqparattyń taralyp ketýin kóptegen qarjy uıymdarynyń derekteri jınaqtalǵan (Robo Finance) (robo.finance) ınfraqurylymyna jasalǵan shabýyl saldarynan boldy dep sanaıdy.
«Buǵan deıin sarapshylar osy MQU-ǵa qatysty birqatar jalǵan veb-saıttardy anyqtaǵan bolatyn. Bul saıttardyń betterine ótý kezinde paıdalanýshyǵa joǵaryda atalǵan uıymnan aqshalaı nesıe alý usynyldy. Jalǵan saıttardyń ataýlary: zaim5min.com, vozmykredit.ru, vozmycredit.com, stpmrnlnk.com, mani24.kz, zm24.kz, cashlux.kz, zaim365.kz», - dep habarlaıdy mamandar.
