شىمكەنتتە گۇل ۇرلاعان پوليتسەيدىڭ باسى تاعى دا داۋعا قالدى، دەپ حابارلايدى "ادىرنا" ءتىلشىسى.
وقيعاعا قاتىستى قالالىق پوليتسيا دەپارتامەنتىنىڭ ءباسپاسوز قىزمەتى مالىمدەمە جاسادى.
وتكەن جىلى گۇل ساتاتىن جانجال شىعارىپ، گۇل ۇرلاعان پوليتسەي وسى جولى كافەدە ايەلدىڭ تەلەفونىن تارتىپ العان. ونىڭ ۆيدەوسى الەۋمەتتىك جەلىدە تاراپ كەتتى.
"بۇل فاكت بويىنشا پوليتسياعا ەشقانداي ارىز تۇسكەن جوق. قازىرگى ۋاقىتتا وقيعانىڭ ءمان-جايىن انىقتاۋ ءۇشىن بەينەجازبادا كورسەتىلگەن ادامداردى انىقتاۋ بويىنشا جۇمىس جۇرگىزىلۋدە. سونىمەن قاتار، م.بەكوۆ ءىىو قىزمەتكەرى ەمەس ەكەنىن حابارلايمىز", – دەلىنگەن شىمكەنت پوليتسيا دەپارتامەنتىنىڭ ءباسپاسوز قىزمەتىنىڭ حابارلاماسىندا.
جەرگىلىكتى ەlitar سايتىنىڭ مالىمەتىنشە ۆيدەو كەيىپكەرى 2023 جىلى شىمكەنتتەگى گۇل دۇكەنىندە ءجونسىز ارەكەت جاسادى دەپ ايىپتالعان پوليتسەيگە ۇقسايدى.
