فرانتسيا پرەزيدەنتى ەممانۋەل ماكروننىڭ جەكە فوتوگرافى Instagram جەلىسىندە پرەزيدەنت پەن تازى تۇقىمدى يتپەن بىرگە تۇسكەن سۋرەتىن جاريالادى، دەپ حابارلايدى "ادىرنا" ءتىلشىسى.
فرانتسيا باسشىسىنا قازاقستان پرەزيدەنتى قازاقتىڭ ۇلتتىق تازى تۇقىمدى يتتەرىن سىيعا تارتقان بولاتىن.
جەلىدەگى سۋرەتتە:
"ەليسەي سارايى، باستى فويە. كۇننىڭ سوڭى. 14.03.2024", - دەپ جازىلعان.
اق-قارا تۇستەس فوتوسۋرەتتە ماكرون ءۇش يتپەن بىرگە تۇسكەن. ولار جيۋل مەن جاننا ەسىمدى ەكى تازى مەن 2017 جىلى اسىراپ العان قارا لابرادور نەمو.
ەسكە سالا كەتەيىك، وتكەن جىلى فرانتسيا پرەزيدەنتى استاناداعى كورمەنى ارالاۋ بارىسىندا تازىلاردى ۇناتىپ قالعان. قازاقستان پرەزيدەنتى قاسىم-جومارت توقاەۆ فرانتسۋز ارىپتەسىنە بەس ايلىق تازى كۇشىكتەرىن سىيلاعان.
