قازاقستاندا اتا-بابالارعا دەگەن قۇرمەت پەن ەستەلىكتى ساقتاۋعا باعىتتالعان Jerleu اتتى تسيفرلى پلاتفورما پايدا بولدى. بۇل سەرۆيس زيراتتاردى تسيفرلاندىرىپ، جەرلەۋ ورىندارىن كارتاعا قوسادى جانە قابىرلەردى كۇتۋگە ارنالعان ونلاين قىزمەتتەردى ۇسىنادى، دەپ حابارلايدى “ادىرنا”.
جاڭا ونلاين-پلاتفورمادا قازىردىڭ وزىندە مۇسىلمان جانە حريستيان زيراتتارىنداعى 750 مىڭنان استام جەرلەۋ تۋرالى مالىمەت بار.
Jerleu.kz سايتى تەگىن جۇمىس ىستەيدى – پورتالعا تىركەلۋ جەتكىلىكتى. پلاتفورما ارقىلى مارقۇمداردى اتى-ءجونى، ءومىر سۇرگەن جىلدارى، قالاسى جانە جەرلەنگەن ورنى بويىنشا ىزدەۋگە بولادى. قازىرگى ۋاقىتتا الماتى مەن استاناداعى بارلىق زيراتتار جۇيەگە ەنگىزىلگەن.
جوبانىڭ اۆتورلارى بۇكىل قازاقستان بويىنشا جەرلەۋ ورىندارىن تسيفرلاندىرۋدى كوزدەيدى. ولار بۇل جوبانى كوممەرتسيالىق ەمەس، اتا-بابا رۋحىنا تاعزىم رەتىندە سيپاتتايدى. سونىمەن قاتار، سايتتا اقىلى قىزمەتتەر دە قاراستىرىلعان – مىسالى، جاقىن تۋىستىڭ قابىرىنە كۇتىم جاساۋدى ونلاين تاپسىرىس بەرۋگە بولادى.
