Qazaqstanda ata-babalarǧa degen qūrmet pen estelıktı saqtauǧa baǧyttalǧan Jerleu atty sifrly platforma paida boldy. Būl servis zirattardy sifrlandyryp, jerleu oryndaryn kartaǧa qosady jäne qabırlerdı kütuge arnalǧan onlain qyzmetterdı ūsynady, dep habarlaidy “Adyrna”.
Jaŋa onlain-platformada qazırdıŋ özınde mūsylman jäne hristian zirattaryndaǧy 750 myŋnan astam jerleu turaly mälımet bar.
Jerleu.kz saity tegın jūmys ısteidı – portalǧa tırkelu jetkılıktı. Platforma arqyly marqūmdardy aty-jönı, ömır sürgen jyldary, qalasy jäne jerlengen orny boiynşa ızdeuge bolady. Qazırgı uaqytta Almaty men Astanadaǧy barlyq zirattar jüiege engızılgen.
Jobanyŋ avtorlary bükıl Qazaqstan boiynşa jerleu oryndaryn sifrlandyrudy közdeidı. Olar būl jobany kommersiialyq emes, ata-baba ruhyna taǧzym retınde sipattaidy. Sonymen qatar, saitta aqyly qyzmetter de qarastyrylǧan – mysaly, jaqyn tuystyŋ qabırıne kütım jasaudy onlain tapsyrys beruge bolady.
