رەسەي مۇسىلماندارىنىڭ رۋحاني جەتەكشىسى، ءمۇفتي شەيح راۆيل گاينۋتدين لاڭكەستىك ارەكەت كەزىندە Crocus City Hall عيماراتىنان جۇزدەن استام ادامدى الىپ شىققان 15 جاستاعى يسلام حاليلوۆقا مۇسىلمانداردىڭ جوعارى ناگراداسىن تابىس ەتتى، دەپ حاباردايدى “ادىرنا” ۇلتتىق پورتالى.
ءمۇفتي شەيح راۆيل گاينۋتدين اكە مەن بالا حاليلوۆتارعا جەكە شاقىرۋىن جەتكىزدى.
“قاسيەتتى رامازان ايىنداعى جۇما نامازىنىڭ مۇباراك جۇما كۇنى ماسكەۋ سوبورى مەشىتىنىڭ قابىرعاسىندا ءبىزدىڭ ون بەس جاستاعى يسلام ءدىنىن ۇستانۋشى جىگىتتىڭ ەرلىگى مەن حالقىن قۇتقارعانى ءۇشىن رەسەي مۇسىلماندارىنىڭ «ەڭبەك سىڭىرگەنى ءۇشىن» مەدالىمەن ماراپاتتالادى”، دەلىنگەن حابارلامادا.
بۇعان دەيىن 15 جاستاعى يسلامنىڭ ەرلىگى تۋرالى حابارلاعان ەدىك. ول Crocus City Hall كونتسەرت زالىنىڭ گاردەروبىندا جۇمىس ىستەگەن. ونىڭ ايتۋىنشا، جۇمىسقا ورنالاسۋ كەزىندە بارلىق قىزمەتكەرلەرگە توتەنشە جاعداي كەزىندە نۇسقاۋلار بەرىلگەن. تەراكت بولعان كەزدە ول نۇسقاۋلارعا سايكەس ارەكەت ەتىپ، ەۆاكۋاتسيانى باقىلاۋعا الدى، ادامداردى تۇيىقتان تار وتكەلدەن، ال قىزمەتتىك كىرەبەرىس ارقىلى كوشەگە قاۋىپسىز جەرگە اپارا الدى.
