Reseı musylmandarynyń rýhanı jetekshisi, múftı sheıh Ravıl Gaınýtdın lańkestik áreket kezinde Crocus City Hall ǵımaratynan júzden astam adamdy alyp shyqqan 15 jastaǵy Islam Halılovqa musylmandardyń joǵary nagradasyn tabys etti, dep habardaıdy “Adyrna” ulttyq portaly.
Múftı sheıh Ravıl Gaınýtdın áke men bala Halılovtarǵa jeke shaqyrýyn jetkizdi.
“Qasıetti Ramazan aıyndaǵy juma namazynyń múbárák juma kúni Máskeý sobory meshitiniń qabyrǵasynda bizdiń on bes jastaǵy ıslam dinin ustanýshy jigittiń erligi men halqyn qutqarǵany úshin Reseı musylmandarynyń «Eńbek sińirgeni úshin» medalimen marapattalady”, delingen habarlamada.
Buǵan deıin 15 jastaǵy Islamnyń erligi týraly habarlaǵan edik. Ol Crocus City Hall konert zalynyń garderobynda jumys istegen. Onyń aıtýynsha, jumysqa ornalasý kezinde barlyq qyzmetkerlerge tótenshe jaǵdaı kezinde nusqaýlar berilgen. Terakt bolǵan kezde ol nusqaýlarǵa sáıkes áreket etip, evakýaııany baqylaýǵa aldy, adamdardy tuıyqtan tar ótkelden, al qyzmettik kireberis arqyly kóshege qaýipsiz jerge apara aldy.
