ماڭعىستاۋ وبلىسىندا تەڭىز جاعالاۋىنان 40 يتبالىقتىڭ ءولى دەنەسى تابىلدى، - دەپ حابارلايدى "ادىرنا" ۇلتتىق پورتالى.
«داۋىلدان كەيىن ءبىزدىڭ ماماندار لاقتىرىلعان ولەكسەلەردى ىزدەۋ ءۇشىن ۇنەمى تەڭىز جاعالاۋىن باقىلاپ وتىرادى. ولار باسقا جەردە ءولىپ قالعان، سەبەپتەرىن مەديتسينالىق ساراپتاما انىقتايدى. كوزدەرى ولگەننەن كەيىن زاقىمدالعان بولۋى مۇمكىن. ولاردى قۇستار ولگەن جانۋارلاردىڭ اراسىنان جۇلىپ اكەتىپ، جەمتىك قىلادى»، - دەيدى ماڭعىستاۋ وبلىسى بويىنشا بالىق ينسپەكتسياسى باسشىسىنىڭ مىندەتىن اتقارۋشى اندرەي رۋتسكي.
سوڭعى ءۇش كۇننەن بەرى كاسپي تەڭىزىندە داۋىل دامىلداماي تۇر. الەۋمەتتىك جەلىدە كوزدەرى زاقىمدالعان يتبالىقتاردىڭ فوتوسى پايدا بولدى. 29 ناۋرىزدا تۇپقاراعان وڭىرىندەگى ۋرديۋك ءمۇيىسى مەن باۋتينسكايا شۇڭقىرىنىڭ ارالىعىنداعى جاعالاۋدان 40 يتبالىقتىڭ ولەكسەسى تابىلدى.
مامانداردىڭ الدىن الا تەكسەرۋىنەن كەيىن ولەكسەلەردەن دەنە جاراقاتتارى، ازاپتاۋ نەمەسە زورلىق-زومبىلىقپەن ءولتىرۋ بەلگىلەرى تابىلمادى، دەيدى ماماندار.
