پرەمەر-ءمينيستردىڭ ورىنباسارى – سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنى كەزەڭىنىڭ زارداپتارىن جويۋ جونىندەگى رەسپۋبليكالىق شتاب باسشىسىنىڭ ورىنباسارى قانات بوزىمباەۆ اتىراۋدا توتەنشە جاعداي رەجيمىن ەنگىزۋ جوسپارلانىپ وتىرعانىن ايتتى، دەپ حابارلايدى “ادىرنا” ۇلتتىق پورتالى. بۇل تۋرالى مادەنيەت جانە اقپارات ۆيتسە-ءمينيسترى قانات ىسقاقوۆ مالىمدەدى.
«مەنىڭ ويىمشا، ءبىز ءبىرىنشى كەزەكتە اتىراۋ قالاسىندا توتەنشە جاعداي جاريالايمىز. قۇلسارىدا دا جاريالانعانداي، اتىراۋدا دا جاريالانادى. بىراق ارينە ادامداردى دۇرلىكتىرۋ ءۇشىن ەمەس. بۇگىندە جايىق وزەنىندەگى تاسقىنمەن كۇرەسۋ جوسپارىن جاساپ جاتىرمىز. ويتكەنى قازىر رەسەي فەدەراتسياسىنان كەلەتىن اعىن سۋلاردىڭ تەكشە مەترى 3 مىڭدى قۇراسا، الداعى ۋاقىتتا 4-4,5 مىڭ بولۋى مۇمكىن. ال بۇل سۋدىڭ اتىراۋعا جەتۋىنە 20-داي كۇن بار. سوندىقتان اتىراۋعا جەتكەنشە بارلىق بوگەتتەرىمىزدى نىعايتىپ، قاجەتتى كانالداردى قازىپ، سۋدى قايتارۋعا دايىن بولۋىمىز كەرەك»، - دەدى بوزىمباەۆ سەنبى كۇنى.
ايتا كەتەيىك، ەلدەگى سۋ تاسقىنى سالدارى ءالى دە سەيىلەر ەمەس. ايماقتار تاسقىن سۋدىڭ استىندا قالىپ، توعىز وبلىستا (اباي، اقمولا، اقتوبە، اتىراۋ، باتىس قازاقستان، قاراعاندى، قوستاناي، پاۆلودار، ۇلىتاۋ) جەرگىلىكتى توتەنشە جاعداي رەجيمى جاريالاندى. پرەزيدەنت قاسىم-جومارت توقاەۆ تابيعي اپاتقا قاتىستى قازاقستاندىقتارعا ۇندەۋ جولدادى.
