سولتۇستىكتە ءۇش اۋدان مەن پەتروپاۆلدى سۋ باسۋى مۇمكىن

«وبلىستاعى سۋ تاسقىنى جاعدايى وتە كۇردەلى، تۇراقتى مونيتورينگ جۇرگىزىلۋدە. سەرگەەۆ سۋ قويماسىنىڭ تولىمدىلىعى تاڭعى 8:00-دە 163% قۇرادى. ەسىل وزەنىنىڭ جاعالاۋىندا قاۋىپ، كەدەرگى بايقالمايدى، سۋ قويماسىنداعى اعىن 355 سم قۇرايدى، بىراق سۋ تاسقىنى شەگىنە جەتكەن جوق»، - دەدى قانات دۇزەلباەۆ وتكەن بريفينگتە.

«بولجام بويىنشا سۋدىڭ كوتەرىلۋى 4 مەترگە دەيىن جەتەدى. بۇل وبلىستىڭ 3 اۋدانى مەن پەتروپاۆل قالاسىن سۋ باسۋ قاۋپىن تۋدىرادى. سۋ باسۋ ايماعىنا 845 تۇرعىن ءۇي مەن 5 مىڭ ساياجاي كىرەدى. تاسقىن سۋ وبلىس ورتالىعىنا 7-8 كۇندە جەتەدى دەپ كۇتىلۋدە. وبلىستاعى 13 اۋداننىڭ 8-دە جاعداي قيىن. قار جامىلعىسى 38-دەن 50%-عا دەيىنگى دەڭگەيدە، 262 ەلدى مەكەندى سۋ باسۋ قاۋپى ساقتالۋدا»، - دەپ تولىقتىردى اكىمنىڭ ورىنباسارى.