وزبەكستان حالقىنا سۋ تاسقىنى تۋرالى ەسكەرتۋ جاسالدى، دەپ حابارلايدى "ادىرنا" ءتىلشىسى centralasia.news-قا سىلتەپ.
سينوپتيكتەر وزبەكستاننىڭ توعىز وبلىسىندا لاي كوشكىنى مەن سۋ تاسقىنى بولۋى مۇمكىن دەپ ەكەنىن ايتادى. الدىن الا بولجام بويىنشا 12-15 ءساۋىر ارالىعىندا رەسپۋبليكانىڭ تاۋلى جانە قالا ماڭىنداعى اۋداندارىندا قاتتى جاڭبىر جاۋىپ، جەل 15-20 م/س كۇشەيەدى.
ماماندار قاشقاداريا، سۋرحانداريا، سامارقاند، ناۆوي، دجيزاح، تاشكەنت، نامانگان، فەرعانا جانە ءاندىجان قالالارىندا اۋا رايىنىڭ قولايسىزدىعىنان سەل ءجۇرۋى مۇمكىن ەكەنىن بولجادى.
ودان بولەك، وزگيدرومەت ماماندارى ەلدەگى ورتاشا تەمپەراتۋرا جىل سايىن 1,5 %-عا كوتەرىلەتىنىن اتاپ ءوتتى. وسىعان بايلانىستى سۋ تاسقىنى مەن سەل بولۋ ىقتيمالدىعى ارتادى.
ەسكە سالا كەتەيىك، 2021 جىلى نامانگان وبلىسىندا سەلدەن سەگىز ادام قازا تاپسا، 2022 جىلى دجيزاح وبلىسىندا بەس ادام سەلدىڭ قۇربانى بولدى.
