عالامدىق جىلىنۋ سالدارىنان تابيعي اپاتتاردىڭ كۇشەيۋىنە بايلانىستى كليماتولوگتار ەۋرووداق باسشىلارىنا قازىردەن باستان قامدانۋ كەرەكتىگىن ەسكەرتتى، دەپ حابارلايدى “ادىرنا” ۇلتتىق پورتالى Qazaqstan ۇلتتىق ارناسىنىڭ جاڭالىقتارىنا سىلتەپ.
بەلگيالىق عالىمداردىڭ بولجامىنشا، 2050 جىلعا قاراي قارت قۇرلىق ەلدەرىنىڭ جارتىسى سۋ استىندا قالۋى مۇمكىن.
«قازاقستاننىڭ باتىسى مەن سولتۇستىگىنىڭ سۋ تاسقىنىنان زارداپ شەككەنىن كورىپ وتىرمىز. بۇل كليماتتىڭ وزگەرۋى مەن عالامدىق جىلىنۋ سالدارىنىڭ ودان سايىن كۇشەيگەنىن كورسەتەدى. ەۋروپا، ورتالىق ازيا ەلدەرى كليماتتىڭ وزگەرۋى سالدارىنا توتەپ بەرۋگە قاۋقارسىز. بەلگيا تۇرعىندارى دا بىرنەشە جىل بۇرىن بولعان سۋ تاسقىنىنىڭ زاردابىن ءالى كۇنگە تارتىپ وتىر»،-دەدى بەلگيانىڭ گەنت ۋنيۆەرسيتەتىنىڭ ورتالىق ازيا ەلدەرى بويىنشا جەتەكشى ساراپشىسى فابيەەن بوسسۋيت.
