مادەنيەت جانە اقپارات ۆيتسە-ءمينيسترى ەۆگەني كوچەتوۆ جۋرناليست اسحات نيازوۆقا نە سەبەپتى اكىمشىلىك ءىس قوزعالعانىن ءتۇسىندىردى، دەپ حابارلايدى «ادىرنا» ءتىلشىسى قازتاگ-قا سىلتەمە جاساپ.
«465-باپ وتكەن جىلدىڭ قىركۇيەك ايىنان باستاپ كۇشىنە ەندى. اكىمشىلىك كودەكستەگى باپتىڭ رەداكتسياسىنا قاراساق، وندا جالعان اقپاراتتى «ورنالاستىرۋ» جانە «تاراتۋ» دەپ جازىلعان. ياعني، ءبىز تەك جاريالاۋدى عانا ەمەس، ونى تاراتۋ تۋرالى دا ايتىپ وتىرمىز. جازبانى ءبولىسۋ تاراتۋدىڭ ءبىر تۇرىنە جاتادى. «ازاتتىق» راديوسىنىڭ جۋرناليستەرىنە اككرەديتاتسيا بەرمەۋ ماسەلەسى «باق تۋرالى» زاڭعا ەنگىزىلگەن وزگەرىستەرگە بايلانىستى كوتەرىلدى. بىراق زاڭ ءالى قابىلدانعان جوق. ول ءالى ءماجىلىستىڭ قاراۋىندا جاتىر، ەكىنشى وقىلىم ءالى وتكەن جوق. سەنىمدى ەمەس اقپارات تاراتىلعاندىقتان، حابارلاما جىبەرىلدى»،—دەدى ول 11 ساۋىردە وتكەن سەنات وتىرىسىندا.
ايتا كەتەيىك، قاڭتاردا ProTenge Telegram ارناسىندا ەلدە جۇمىس ىستەۋگە اككرەديتاتسيا الماعان «ازاتتىق راديوسىنىڭ» جۋرناليستەرىنە قولداۋ كورسەتكەن جازبا پايدا بولعان ەدى. ارتىنشا جۋرناليست اسحات نيازوۆ بۇل جازبانى الەۋمەتتىك جەلىدە ءبولىستى. 9 ساۋىردە قازاقستاندىق ءجۋرناليستتىڭ سوتقا تارتىلعانى بەلگىلى بولدى.
