Mádenıet jáne aqparat vıe-mınıstri Evgenıı Kochetov jýrnalıst Ashat Nııazovqa ne sebepti ákimshilik is qozǵalǵanyn túsindirdi, dep habarlaıdy «Adyrna» tilshisi QazTAG-qa silteme jasap.
«465-bap ótken jyldyń qyrkúıek aıynan bastap kúshine endi. Ákimshilik kodekstegi baptyń redakııasyna qarasaq, onda jalǵan aqparatty «ornalastyrý» jáne «taratý» dep jazylǵan. Iaǵnı, biz tek jarııalaýdy ǵana emes, ony taratý týraly da aıtyp otyrmyz. Jazbany bólisý taratýdyń bir túrine jatady. «Azattyq» radıosynyń jýrnalısterine akkredıtaııa bermeý máselesi «BAQ týraly» zańǵa engizilgen ózgeristerge baılanysty kóterildi. Biraq zań áli qabyldanǵan joq. Ol áli Májilistiń qaraýynda jatyr, ekinshi oqylym áli ótken joq. Senimdi emes aqparat taratylǵandyqtan, habarlama jiberildi»,—dedi ol 11 sáýirde ótken Senat otyrysynda.
Aıta keteıik, qańtarda ProTenge Telegram arnasynda elde jumys isteýge akkredıtaııa almaǵan «Azattyq radıosynyń» jýrnalısterine qoldaý kórsetken jazba paıda bolǵan edi. Artynsha jýrnalıst Ashat Nııazov bul jazbany áleýmettik jelide bólisti. 9 sáýirde qazaqstandyq jýrnalısttiń sotqa tartylǵany belgili boldy.
