ۇلتتىق قاۋىپسىزدىك كوميتەتى ەكسترەميزمگە قاتىسى بار كۇدىكتىلەردى ۇستادى، دەپ حابارلايدى «ادىرنا» ءتىلشىسى.
«17 ساۋىردە ۇقك ىشكى ىستەر مينيسترلىگىمەن ءوزارا ارەكەتتەسە، پروكۋراتۋرا ورگاندارىنىڭ ۇيلەستىرۋىمەن الماتى قالاسىندا، الماتى جانە جامبىل وبلىستارىندا قازاقستاننىڭ 4 ازاماتىن ۇستادى. ولار رەسپۋبليكا اۋماعىندا تىيىم سالىنعان ءدىني-ەكسترەميستىك ۇيىمنىڭ ارەكەتىنە قاتىستى جانە ۇيىمداستىردى دەپ كۇدىكتەلىپ وتىر»،—دەلىنگەن حابارلامادا.
تۇرعىلىقتى جەرلەرى بويىنشا تىنتۋلەر بارىسىندا كوپتەگەن ءدىني ادەبيەت مەن باسقا دا زاتتاي دالەلدەمەلەر الىندى.
قىلمىستىق كودەكستىڭ 405-بابى بويىنشا سوتقا دەيىنگى تەرگەۋ جۇرگىزىلۋدە.
ايتا كەتەيىك، ۇستالعان ادامداردىڭ ەكەۋى بۇعان دەيىن وسىنداي قىلمىس جاساعانى ءۇشىن سوتتى بولعان.
