الماتىدا قالا اكىمى ەربولات دوساەۆتىڭ باستاماسىمەن «الماتى – ءبىزدىڭ ورتاق ءۇيىمىز» ناۋقانى جالعاسىپ جاتىر. ناۋقان قالا تۇرعىندارى مەن بيزنەس قاۋىمداستىعىن بىرىكتىردى. الماتىلىقتار عاشىقتار كۇنىنە اعاش وتىرعىزدى، ارداگەرلەرگە قامقورلىق جاسادى، بالالار مەن سپورت الاڭدارىن جوندەدى، اكتسيا اياسىندا قوقىستاردى تاماققا اۋىستىردى.
«ءبىزدىڭ قالا – ءبىزدىڭ اۋلا، ءبىزدىڭ ءۇي» دەپ اتالاتىن ناۋقاننىڭ ەكىنشى اپتاسىندا كوپتەگەن وتىنىشكە بايلانىستى قالا تۇرعىندارىنىڭ باستاماشىل توپتارىنىڭ قاتىسۋى ءۇشىن ورىندار انىقتالدى. اۋدان اكىمدىكتەرىنىڭ كومەگىمەن جەرگىلىكتى تۇرعىندار بالالار مەن سپورت الاڭدارىن جوندەپ، سىرلادى، كوپپاتەرلى ۇيلەردىڭ اۋلالارىنا كوشەتتەر وتىرعىزدى، سونداي-اق جىرا، اڭعارلار مەن وزەن ارنالارىن قوقىستان تازارتتى. تازالاۋعا بەلگىلى سپورتشىلار، ارتيستەر مەن قوعام قايراتكەرلەرى اتسالىستى. جەرگىلىكتى قوعامداستىقتارمەن بىرلەسىپ بارلىعى 3 618 اۋلا اۋماعىن تازارتتى (قالادا بارلىعى 4020 اۋلا).
قىزىعۋشىلىق تانىتقان قالا تۇرعىندارى ۋچاسكەلەر مەن ءۇي ىشىلىك اۋماقتاردى كوگالداندىرۋ ءۇشىن 3 مىڭ كوشەت الدى، ناۋقان باستالعالى بارلىعى 10 مىڭنان استام جاپىراقتى اعاش وتىرعىزىلدى. قورشاۋدى، ورىندىقتى، بەسەدكانى بوياعىسى كەلەتىندەرگە الماتى اكىمدىگى تاراپىنان 1,5 مىڭ ليتر لاك-بوياۋ ماتەريالدارى بەرىلدى.
قالا تۇرعىندارى قارتتارعا كومەكتەسۋ تۋرالى ۇندەۋدەن قالىس قالمادى. «جاقىنىڭا جاردەم بەر» اكتسياسى اياسىندا بەلسەندى ازاماتتار مەن ەرىكتىلەر 98 مۇقتاج ادامعا، ونىڭ ىشىندە ۇوس ارداگەرلەرىنە، جالعىز تۇراتىن زەينەتكەرلەر مەن مۇمكىندىگى شەكتەۋلى جاندارعا كومەك كورسەتتى. ەرىكتىلەر ءوز باقتارى مەن اۋلاسىن رەتكە كەلتىردى، اعاشتاردى كەسۋگە جانە قوقىستاردى شىعارۋعا، جەكە ۇيلەردىڭ قورشاۋلارىن قالپىنا كەلتىرۋگە جانە بوياۋعا قاتىستى.
«قوقىستى كوفەگە/تاعامعا ايىرباستا» اكتسياسى اياسىندا بالالار مەن ەرەسەكتەر 737 كگ قايتا وڭدەلەتىن شيكىزاتتى (138 كگ پلاستيك، 95 كگ اليۋميني، 210 كگ ماكۋلاتۋرا، 294 كگ شىنى) تاپسىردى. اكتسيا وسى جىلدىڭ 8 مامىرىنا دەيىن جالعاسادى.
بارلىق وقۋ ورنىندا «مەكتەپ اۋلاسىنىڭ ءوازيسى» لاندشافتى ديزاين فەستيۆالى ءوتتى: بالالار 500-دەن استام اعاش وتىرعىزدى. سونداي-اق، قالانىڭ بارلىق مەكتەبى قاتىساتىن «قوقىسسىز مەكتەپ» ەكو-مارافونى ءوتىپ جاتىر. «قۇستارعا ۇيا سىيلايىق» مەكتەپ چەللەندجى اياسىندا 1 مىڭنان استام قۇس ۇياسى جاسالدى. ولار مەكتەپ اۋلاسىندا، ساياباقتار مەن الاڭداردا ورناتىلدى.
جوو ستۋدەنت جاستارىنىڭ كۇشىمەن ء(ال-فارابي اتىنداعى قازۇۋ، ەتۋ، ابىلاي حان اتىنداعى قازحق جانە ءاتۋ، اەجبۋ، اباي اتىنداعى قازۇپۋ، ل.ب. گونچاروۆ اتىنداعى قازاجي، قبتۋ، اگەۋ) 8 مىڭ شارشى مەتر اۋماقتى كوركەيتىپ، تازارتتى.
جاستار جانە ەرىكتىلەر ۇيىمدارىنىڭ وكىلدەرى 10 ەكولوگيالىق اكتسيانى باستادى («الەۋمەتتىك شەبەرحانا»، «باتارەيانى تاپسىر – توپىراقتى ساقتا»، «ەكوسورت: تازا قالا ءۇشىن بىرگە»، پلاستيكالىق، شىنى جانە قاعاز ماتەريالداردى ودان ءارى قايتا وڭدەۋگە بەرۋ ءۇشىن ارنايى ۇيىمداستىرىلعان پۋنكتتەرگە بولەك جيناۋ، «تازا ويىندار» اۋماقتاردى جارىس فورماتىندا تازارتۋ، «ءبىر قاپ قوقىستى ءبىر كەلى الماعا ايىرباستا»، «ءومىر اعاشى: ءوز اعاشىڭدى وتىرعىز» جانە ت.ب.).
جەكە كاسىپكەرلىك نىساندارعا ىرگەلەس اۋماقتاردى جيناۋ بويىنشا ەكو-چەللەندج باستالدى. وعان ءتۇرلى كاسىپورىندار، زاۋىتتار، بازارلار، ساۋدا-ويىن-ساۋىق ورتالىقتارى، اۆتوسالوندار جانە ت. ب. قاتىستى.
باۋم توعايىندا قوقىس جيناۋمەن بىرىكتىرىلگەن پلوگينگ جارىسى ءوتتى. قالانىڭ 500-دەن استام سپورتتىق جۇگىرۋ قوعامداستىعىنىڭ بەلسەندىسى ناۋقانعا قولداۋ كورسەتىپ، سۇيىكتى دەمالىس ورنىن قوقىستان تازارتتى. «گۇلدەر» ساياباعىندا العاش رەت جاس جۇبايلار اللەياسى اشىلدى، وندا جاس جۇبايلار جاپىراقتى قاراعاشتىڭ 30-عا جۋىق كوشەتىن وتىرعىزدى.
«الماتى – ءبىزدىڭ ورتاق ءۇيىمىز» ناۋقانى باستالعالى 1 050-دەن استام ايالداما كەشەنىن، 249 باعدارشام نىسانىن جانە 3580 جول بەلگىسى كوتەرگىشتەرىن جۋ، 787 كونتەينەرلىك الاڭدى دەزينفەكتسيالاۋ جانە جۋ، 720 ليۋكتى كوتەرۋ، 3 248 ورىندىق پەن 6 450 قوقىس جاشىكتەرىن سىرلاۋ، سونداي-اق رۇقسات ەتىلمەگەن جارنامانى جويۋ جانە 120 نىساننىڭ اۋماعىن تازالاۋ (مەديتسينالىق مەكەمەلەر، مەكتەپتەر، كىتاپحانالار جانە ت.ب.). قالانىڭ كوشە-جول جەلىسىنىڭ ماگيسترالدىق كوشەلەرىندە اعىمداعى (شۇڭقىرلى) جوندەۋ جۇمىستارى جۇرگىزىلۋدە، بۇگىندە 26,5 مىڭ شارشى مەتردەن استام اسفالتبەتون جابىنى جوندەلدى.
الماتىلىقتار مەن قالا قوناقتارى 8 مامىر ناۋقانىنىڭ سوڭىنا دەيىن مەگاپوليستى كوركەيتۋگە بەلسەندى قاتىسا الادى. 22-28 ءساۋىر ارالىعىندا تاۋلاردا، وزەندەر مەن سۋ ايدىندارىنىڭ جاعالاۋلارىندا، سونداي-اق قالانىڭ ساياباقتارى مەن سكۆەرلەرىندە قوقىستاردان جاپپاي تازالاۋ جانە اعاش وتىرعىزۋ وتەدى. وسى كەزەڭدە الماتىدا «تازا قاسبەتتەر» اكتسياسى باستالادى، ول بويىنشا كوممۋنالدىق مەنشىكتىڭ اكىمشىلىك نىساندارىنىڭ، كوممەرتسيالىق قۇرىلىمدار عيماراتتارىنىڭ جانە تۇرعىن ۇيلەردىڭ قاسبەتى تازارتىلادى.
تولىق اقپارات almaty.kz سايتى مەن الماتى اكىمدىگىنىڭ الەۋمەتتىك جەلىلەرىندەگى پاراقشالارىندا جاريالانادى. سونداي-اق، قالاداعى باننەر، پلاكات جانە افيشالارداعى ارنايى QR-كود ارقىلى ۆەب-سايتقا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششيدوم، #ناسمنوگوگورودودين، #الماتىبىزدىڭورتاقۇيىمىز، #بىزكوپپىزقالاجالعىز.
