قازاقستان حالقى اسسامبلەياسىنىڭ انالار كەڭەسى دە ونەگەلى ۇرپاق اپتالىعىنا بەلسەندى ۇلەس قوسۋدا.
اتاپ ايتقاندا، تاراز قالاسىنداعى بەلسەندى ۇزاق ءومىر ءسۇرۋ ورتالىعىنىڭ اۋلاسىندا انالار كەڭەسىنىڭ مۇشەلەرى، ارداگەرلەر، زيالى قاۋىم وكىلدەرى گۇل ەكتى.
اتالعان مەكەمە زەينەت جاسىنا جەتكەن بەلسەندى، ءومىر جاسىن ۇزارتۋدى كوزدەگەن قارتتارعا تولىق مۇمكىندىكتەر جاساۋ ارقىلى، دەنساۋلىعىن قولداۋ جانە بوس ۋاقىتىن ءتيىمدى ۇيىمداستىرۋعا باعىتتالعان.
- «ءاربىر ۇرپاقتىڭ ەل-جۇرتى، الدىڭعى تولقىن اعا بۋىن الدىنداعى باس تارتۋعا بولمايتىن، ادامدىق ءارى ازاماتتىق پارىزدارى بولادى. ءبىز جامبىل وبلىسىنىڭ انالار قاۋىمى «تازا قازاقستان» اكتسياسىنا قولداۋ بىلدىرەمىز. ۇلكەنگە قۇرمەت كورسەتۋ – جاس ۇرپاقتىڭ مىندەتى. وسى ورايدا، جامبىلدىق انالار اكتسياعا اتسالىسىپ 100 گۇل ەكتى. بۇگىنگى شارامىز دا وسىنداي ىزگى ءىستىڭ جالعاسى بولماق» - دەدى قحا انالار كەڭەسىنىڭ ءتورايىمى ەلميرا ينياتقىزى.
بۇگىندە، وبلىس بويىنشا قۇرىلعان 162 انالار القاسىنىڭ قۇرامىنداعى 700-گە جۋىق انالار يگىلىكتى ىستەرگە ۇيىتقى بولىپ، بەلسەندى جۇمىس اتقارۋدا.
