Qazaqstan halqy Assambleıasynyń Analar keńesi de ónegeli urpaq aptalyǵyna belsendi úles qosýda.
Atap aıtqanda, Taraz qalasyndaǵy Belsendi uzaq ómir súrý ortalyǵynyń aýlasynda analar keńesiniń músheleri, ardagerler, zııaly qaýym ókilderi gúl ekti.
Atalǵan mekeme zeınet jasyna jetken belsendi, ómir jasyn uzartýdy kózdegen qarttarǵa tolyq múmkindikter jasaý arqyly, densaýlyǵyn qoldaý jáne bos ýaqytyn tıimdi uıymdastyrýǵa baǵyttalǵan.
- «Árbir urpaqtyń el-jurty, aldyńǵy tolqyn aǵa býyn aldyndaǵy bas tartýǵa bolmaıtyn, adamdyq ári azamattyq paryzdary bolady. Biz Jambyl oblysynyń analar qaýymy «Taza Qazaqstan» akııasyna qoldaý bildiremiz. Úlkenge qurmet kórsetý – jas urpaqtyń mindeti. Osy oraıda, jambyldyq analar akııaǵa atsalysyp 100 gúl ekti. Búgingi sharamyz da osyndaı izgi istiń jalǵasy bolmaq» - dedi QHA Analar keńesiniń tóraıymy Elmıra Inııatqyzy.
Búginde, oblys boıynsha qurylǵan 162 Analar alqasynyń quramyndaǵy 700-ge jýyq analar ıgilikti isterge uıytqy bolyp, belsendi jumys atqarýda.
