Prezıdenttik saılaýǵa túskeninen beri basy daýdan arylmaǵan depýtat Daırabaevtyń ókildigin bosatýyn talap etkender petıııa jarııalandy, dep habarlaıdy Adyrna ulttyq portaly Azattyq Ruhy-na silteme jasap.
Petıııa avtory depýtattyń eki uly jemqorlyqpen ustalǵanyn, memleketke keltirilgen 550 mıllıon teńgelik shyǵyndy qalpyna keltirilmegenin jazǵan. Oǵan qosa Daırabaevtyń óz uldaryn jaqtap, qorǵap sóılegenin sókken.
Sonymen qatar, petıııada Daırabaevtyń uldaryna qatysty janjalda depýtattyń da aty-jóni aıtylǵany jazylǵan.
«Kompanııa óz eldi mekeninde alaıaqtyq jolmen 10 myń gektar jerdi ıemdengen. Aýyl turǵyndaryna dıvıdendter ýáde etildi. Alaıda olar eshqandaı paıda tappady. Bul máselede májilismen Jıgýlı Daırabaevtyń esimi de ataldy. Alaıda depýtat bul alaıaqtyqqa qatysy bar ekenin kópshilik aldynda joqqa shyǵardy», — delingen petıııada.
Búginde petıııamen 1531 adam kelisken. Petıııany qoldaǵan azamattar depýtat Jıgýlı Daırabaevtyń óz ókilettiginen bas tartýy kerek dep sanaıdy.
Buǵan deıin Jıgýlı Daırabaev qyr sońynan qalmaı, syn jaýdyryp jatqandardyń kim ekenin bilemin degen edi.
Eske sala keteıik, "Aýyl" partııasy buǵan deıin de Daırabaevtyń mandatyn tapsyrmaıtynyn aıtqan.
«Daırabaev depýtattyq mandatyn tapsyrmaıdy. Men frakııanyń málimdemesin aıtyp otyrmyn. Biz oǵan eshqandaı min taǵa almaımyz. Birinshiden, onyń jeke basyna qatysty atalǵan iste eshteńe aıtylmaǵan. Ekinshiden, onyń balalary eresek azamattar. Olar óz isine ózderi jaýap berýi kerek»,— dedi Baqqojaev.
Jıgýlı Daırabaevtyń ózi balalaryna jaqtasyp, sońyna deıin kúresetinin málim etken bolatyn-tuǵyn.
«Balalarymdy kináli dep eseptemeımin, olar ádildik úshin kúresedi. Apellıaııalyq sotqa júginip, abyroıyn qorǵaýǵa múddeli. Endeshe, men Májilisten ne úshin ketýim kerek? Aýyl turǵyndary, sharýalar, ózimdi saılaǵan «Aýyl» partııasy maǵan úlken úmit artyp otyr. Kóptegen ótkir máselelerdi qolǵa alyp, jumys isteýim kerek», - dedi Daırabaev.
Budan buryn habarlanǵandaı, Taraz qalasynyń soty alaıaqtyq jasady jáne iri mólsherde aqsha jymqyrdy dep aıyptap, úkim shyǵarǵan eki kúdiktiniń Jıgýlı Daırabaevtyń uldary ekeni belgili boldy.
Azattyq Ruhy-nyń habarlaýynsha, depýtattyń qos uly memleketke keltirgen shyǵyndy áli ótemegen. Daırabaev uldarynyń esh kinási joǵyn aıtyp, Májilisten ketpeıtindigin málimdedi. Degenmen oǵan qazaqstandyqtar qarsylyq tanytyp, kónbeı otyr.
"Adyrna" ulttyq portaly
