Ūlytau oblysynda «Taza Qazaqstan» respublikalyq ekologiialyq aksiiasy aiasynda auqymdy kögaldandyru jäne sanitarlyq tazalyq jūmystary jürgızıldı. Öŋırdıŋ eldı mekenderın abattandyruǧa baǧyttalǧan şaraǧa oblys boiynşa 10 myŋǧa juyq adam qatysyp, 150 arnaiy tehnika jūmyldyryldy.
Ekologiialyq aksiiaǧa Ūlytau oblysynyŋ äkımı Eset Baiken de qatysyp, tūrǧyndarmen bırge aǧaş köşetterın otyrǧyzdy. Öŋır basşysy kögaldandyru jūmystarynyŋ maŋyzdylyǧyna toqtalyp, otyrǧyzylǧan ärbır aǧaştyŋ jersınuıne jäne keiıngı kütımıne erekşe män beru qajettıgın atap öttı.
Sondai-aq aǧaş otyrǧyzumen ǧana şektelmei, jasyl jelekterdı tūraqty suaru, kütıp-baptau jäne saqtau jūmystaryn jüielı türde ūiymdastyru kerektıgın jetkızdı.
Aksiiaǧa memlekettık mekemelerdıŋ qyzmetkerlerı, käsıporyn ūjymdary, erıktıler, jastar jäne öŋır tūrǧyndary belsendı qatysty. Bırlesken jūmystyŋ nätijesınde oblys aumaǧynda 3500 aǧaş köşetı otyrǧyzyldy.
Kögaldandyrumen qatar, eldı mekenderdegı qoǧamdyq oryndarda, köşeler men aulalarda sanitarlyq tazalyq jūmystary jürgızıldı. Arnaiy tehnikalardyŋ kömegımen jinalǧan qoqystar şyǧarylyp, aumaqtardy abattandyru şaralary jüzege asyryldy.
Auqymdy ekologiialyq bastama öŋır tūrǧyndaryn ortaq ıske jūmyldyryp, qorşaǧan ortany qorǧau mädenietın qalyptastyruǧa baǧyttaldy. Ärtürlı buyn ökılderınıŋ bırlesıp eŋbek etuı tuǧan ölkenıŋ tazalyǧy men körkeiuıne ärbır azamattyŋ üles qosa alatynyn körsettı.
«Taza Qazaqstan» aksiiasy Ūlytau oblysynda aldaǧy uaqytta da jalǧasady. Öŋırde jasyl aimaqtardy köbeitu, eldı mekenderdı abattandyru jäne tūrǧyndar üşın qolaily ärı taza orta qalyptastyru baǧytyndaǧy jūmystar jüielı türde jürgızıletın bolady.
