Konstitusiia künı qarsaŋynda Ūlytau oblysy Polisiia departamentınıŋ jeke qūramy 30 jas qyzmetkermen tolyqty. Saltanatty şara barysynda jas tärtıp saqşylary Qazaqstan Respublikasyna adal qyzmet etuge ant berdı.
Is-şaraǧa departament bastyǧy, polisiia general-maiory Qaiyrken Äliev, ardagerler keŋesınıŋ ökılderı jäne jeke qūram qatysty. Öz sözınde departament basşysy jas mamandardy maŋyzdy sätpen qūttyqtap, elımızdıŋ tynyştyǧy men azamattardyŋ qauıpsızdıgın qamtamasyz etu jolynda adaldyq pen jauapkerşılık tanytuǧa şaqyrdy.
«Polisiia qyzmetı – el men halyq aldyndaǧy ülken jauapkerşılık. Ärbırıŋız antyŋyzǧa adal bolyp, Otanǧa qyzmet etudıŋ biık ülgısın körsetedı dep senemın», – dedı general-maior Qaiyrken Äliev.
Saltanatty jiyn barysynda qyzmette jäne sportta erekşe közge tüsken bırqatar poliseiler marapattaldy.
«Dinamo» DŞSQ ūiymdastyruymen Qaraǧandy qalasynda ötken sambo küresınen Işkı ıster ministrlıgı chempionatynda polisiia maiory Taibek Omarov 1-oryndy ielense, aǧa leitenant Daniiar Älıpov pen leitenant Elaman Iztöleuov jüldelı oryndarǧa ie boldy.
Sonymen qatar, qūqyq qorǧau organdary, arnaiy jäne küştık qūrylymdar arasynda Atyrau qalasynda ötken qoian-qoltyq ūrys chempionatynda polisiia leitenanty Nūrasyl Dahbai 2-oryn ielenıp, al jyldam qimyldaityn arnaiy jasaq inspektory Ūlbolsyn Änuarbek erekşe jetıstıgı üşın marapattaldy.
Is-şara barysynda Polisiia departamentı Ardagerler keŋesınıŋ töraǧasy Amanbek Mūqatev jas mamandardy ant qabyldau räsımımen qūttyqtap, qyzmettık joldarynda tabys pen abyroi tıledı.
Osyndai ıs-şaralar jas qyzmetkerlerdıŋ boiynda patriottyq sezımdı küşeitıp, polisiia qataryndaǧy dästürler men jauapkerşılık ruhyn nyǧaituǧa baǧyttalǧan.
