Qaraǧandyda eŋbek demalysynda jürgen polisiia qyzmetkerı köpqabatty tūrǧyn üidegı ört kezınde bes balany qūtqaryp, auyr zardaptyŋ aldyn aldy, dep habarlaidy "Adyrna".
Oqiǧa bügın qaladaǧy tūrǧyn üilerdıŋ bırınde bolǧan. Üiıne qaityp kele jatqan Qaraǧandy qalalyq polisiia basqarmasy patruldık polisiia polkınıŋ aǧa inspektory Dınmūhamet Sūltan segızınşı qabattaǧy päterdıŋ terezesınen qoiu tütın şyǧyp jatqanyn baiqaidy. Jaǧdaidyŋ qauıptı ekenın bırden tüsıngen ol eş kıdırmesten oqiǧa ornyna bet alǧan.
Tütınge toly päterge kırgen tärtıp saqşysy ışınde qalǧan bes balany tauyp, olardy qysqa uaqyt ışınde qauıpsız jerge şyǧaryp ülgergen. Balalardyŋ aman ekenıne köz jetkızgennen keiın ol qaitadan ört şyqqan päterge oralǧan.
Polisei aldymen elektr jelısın ajyratyp, qysqa tūiyqtalu saldarynan örttıŋ ūlǧaiuyna jol bermegen. Keiın oqiǧa ornynda bolǧan ekı tūrǧynmen bırge ört söndıruşıler kelgenge deiın asüidegı jalyndy auyzdyqtauǧa kırısken.
Dınmūhamet Sūltannyŋ jedel ärı batyl äreketınıŋ arqasynda adam şyǧyny boluy mümkın qaiǧyly oqiǧanyŋ jäne örttıŋ keŋınen taraluynyŋ aldyn alu mümkın boldy.
IIM baspasöz qyzmetınıŋ mälımetınşe, polisei būl erlıktı qyzmettık mındetın atqaryp jürgen kezde emes, eŋbek demalysynda jürgen sätınde jasaǧan. Soǧan qaramastan ol käsıbi şeberlıgı men azamattyq jauapkerşılıgın joǧary deŋgeide tanytyp, naǧyz polisiia qyzmetkerıne tän janqiiarlyqtyŋ ülgısın körsettı.
Qūtqarylǧan otbasynyŋ körşısı qūqyq qorǧau organyna habarlasyp, balalardyŋ ömırın saqtap qalǧan poliseige şynaiy alǧysyn jetkızgen.
