ينتەرنەتتە تەرگەۋدە جۇرگەن نەمەسە رەسەي تۇرمەلەرىندە وتىرعان قازاقستان ازاماتتارى ۋكرايناعا قارسى سوعىسقا الىنىپ جاتقانى تۋرالى اقپارات تاراعان. بۇل تۋرالى بۇگىن قازاقستان سىرتقى ىستەر مينيسترلىگىنىڭ رەسمي وكىلى ايبەك سمادياروۆتان سۇرالدى، دەپ حابارلايدى “ادىرنا” ۇلتتىق پورتالى.
«بۇل قاتە اقپارات، قازاقستاننىڭ رەسەي تۇرمەلەرىندە جازاسىن وتەپ جاتقان نەمەسە تەرگەۋدە جۇرگەن بىردە-ءبىر ازاماتى اسكەري ارەكەتكە تارتىلماعان. مەن سىزگە كەپىلدىك بەرە الامىن»، - دەيدى ايبەك سمادياروۆ.
سونداي-اق ءسىم وكىلى قاتەلەسىپ سوعىسقا بارعىسى كەلگەن قازاقستاندىقتار تۋرالى ايتتى.
«قازاقستاننىڭ 10-عا جۋىق ازاماتى تەرگەۋدە ەكەندىگى فاكتىلەرى بار. بىراق ءبىزدىڭ مالىمەتتەرىمىز بويىنشا، ولار Telegram ارنالارىندا، الەۋمەتتىك جەلىلەر ارقىلى جۇمىس تاۋىپ، سول ءۇشىن بارعان. ءبىز ولارمەن بىرنەشە رەت بايلانىسقا شىقتىق، كونسۋل ولارعا بىرنەشە رەت باردى، جەكە كەزدەستى جانە بارلىق ايىپتاۋلاردىڭ دۇرىستىعىن قاداعالاپ وتىردى. كونسۋلدىق جانە قۇقىقتىق كومەك ولارعا كورسەتىلىپ جاتىر»، - دەدى ول.
ايتا كەتەيىك، بۇعان دەيىن رەسەيدىڭ ۋكرايناداعى سوعىسىنا قازاقستاننان بارعان تاعى ءبىر ادام تۋرالى مالىمەت تاراعانىن حابارلاعان ەدىك.
