İnternette tergeude jürgen nemese Resei türmelerınde otyrǧan Qazaqstan azamattary Ukrainaǧa qarsy soǧysqa alynyp jatqany turaly aqparat taraǧan. Būl turaly bügın Qazaqstan syrtqy ıster ministrlıgınıŋ resmi ökılı Aibek Smadiiarovtan sūraldy, dep habarlaidy “Adyrna” ūlttyq portaly.
«Būl qate aqparat, Qazaqstannyŋ Resei türmelerınde jazasyn ötep jatqan nemese tergeude jürgen bırde-bır azamaty äskeri äreketke tartylmaǧan. Men sızge kepıldık bere alamyn», - deidı Aibek Smadiiarov.
Sondai-aq SIM ökılı qatelesıp soǧysqa barǧysy kelgen qazaqstandyqtar turaly aitty.
«Qazaqstannyŋ 10-ǧa juyq azamaty tergeude ekendıgı faktılerı bar. Bıraq bızdıŋ mälımetterımız boiynşa, olar Telegram arnalarynda, äleumettık jelıler arqyly jūmys tauyp, sol üşın barǧan. Bız olarmen bırneşe ret bailanysqa şyqtyq, konsul olarǧa bırneşe ret bardy, jeke kezdestı jäne barlyq aiyptaulardyŋ dūrystyǧyn qadaǧalap otyrdy. Konsuldyq jäne qūqyqtyq kömek olarǧa körsetılıp jatyr», - dedı ol.
Aita keteiık, būǧan deiın Reseidıŋ Ukrainadaǧy soǧysyna Qazaqstannan barǧan taǧy bır adam turaly mälımet taraǧanyn habarlaǧan edık.
