9 مامىر كۇنى كولىگىنە كەڭەس وداعىنىڭ قىزىل تۋىن تىككەن اداممەن جانجالداسىپ قالعان الماتىلىق جانبولات شايزادا بەس تاۋلىككە قاماۋعا الىندى، دەپ حابارلايدى “ادىرنا” ۇلتتىق پورتالى. قالالىق اكىمشىلىك سوت ونى ۇساق بۇزاقىلىق جاساعانى ءۇشىن كىنالى دەپ تاپتى.
سوت ۇكىمىندە جانبولات شايزادا قوعامدىق ورىندا جول قوزعالىسىن توقتاتىپ، جانجال شىعارىپ، ادەپسىز سوزدەر ايتىپ، كولىككە ىلىنگەن تۋدى جۇلىپ الىپ، «قوعامدىق ءتارتىپتى بۇزدى» دەپ كورسەتىلگەن.
ەستەرىڭىزگە سالا كەتسەك، 9 مامىر كۇنى الەۋمەتتىك جەلىدە ەر ادامنىڭ كولىكتەگى ادامدارمەن جانجالداسىپ، كولىكتەن قىزىل جالاۋشانى جۇلىپ العانى بەينەلەنگەن ۆيدەو تارادى.
ايتا كەتەيىك، قازاقستاندا كەڭەستىك رامىزدەرگە تىيىم سالىنباعان. ال ونى ۆەنگريادا، چەحيادا، پولشادا، لاتۆيادا جانە ليتۆادا، سونداي-اق گرۋزيادا (2011 جىلدان باستاپ) كوپشىلىككە كورسەتۋگە زاڭ جۇزىندە تىيىم سالىنعان.
كەڭەس وداعىنىڭ تۋى كوپتەگەن ەلدەردە رەسەيلىك يدەولوگيانىڭ بەلگىسى بولىپ سانالادى.
ۇقساس جاڭالىقتار
