جەڭىل اتلەتيكادان قازاقستان كومانداسىنىڭ مۇشەسى نورا دجەرۋتا وليمپيادا ءنورماتيۆىن ورىندادى. بۇل تۋرالى ۇلتتىق وليمپيادالىق كوميتەت جازدى، دەپ حابارلايدى «ادىرنا» ءتىلشىسى
اقش-تا وتكەن USATF Los Angeles Grand Prix تۋرنيرىندە قازاقستاندىق سپورتشى 3000 مەترگە كەدەرگىلەر ارقىلى جۇگىرۋدەن باق سىنادى. ناتيجەسىندە 9:22.45 ۋاقىت كورسەتكىشىمەن قولا جۇلدەگەر اتاندى. اتالعان سىندا دجەرۋتو كانادا جانە اقش سپورتشىلارىنا عانا ەسە جىبەرگەن.
وسىلايشا نورا دجەرۋتو پاريج وليمپياداسىنا ىرىكتەۋدەن وتكەن ەكىنشى قازاقستاندىق جەڭىل اتلەت اتاندى. بۇعان دەيىن مارافونشى جاننا ماماجانوۆا وليمپيادا ءنورماتيۆىن ورىندادى.
ەسكە سالايىق، 2022 جىلى نورا دجەرۋتو اقش-تا وتكەن الەم چەمپيوناتىنىڭ التىن مەدالىن جەڭىپ الدى. بۇل جەتىستىك قازاقستاندىق جەڭىل اتلەتيكا تاريحىنداعى العاشقى جەڭىس بولىپ تىركەلدى.
2023 جىلدىڭ ساۋىرىندە قازاقستاندىق سپورتشى دوپينگ قولداندى دەگەن كۇدىككە ىلىكتى. قازان ايىندا جەلاياق تولىعىمەن اقتالىپ شىقتى.
