ەلىمىزدە زەينەتاقى قورىنان ءتىس ەمدەۋگە الىناتىن ءبىر رەتتىك تولەم جويىلۋى مۇمكىن

قازاقستاندا بىرىڭعاي زەينەتاقى قورىنان ءتىس ەمدەۋگە ارنالعان بىرجولعى تولەم الۋ مۇمكىندىگى جويىلۋى مۇمكىن، دەپ حابارلايدى “ادىرنا” ۇلتتىق پورتالى. «قاعيدالاردىڭ 1-قوسىمشاسىنىڭ 2-تارماعىنىڭ قولدانىسى 2024 جىلعى 10 تامىزدان باستاپ 2025 جىلعى 1 اقپانعا دەيىن توقتاتىلسىن»، - دەلىنگەن دەنساۋلىق ساقتاۋ مينيسترلىگىنىڭ «قازاقستان رەسپۋبليكاسىنداعى دەنساۋلىق ساقتاۋ سالاسىنداعى مەملەكەتتىك قىزمەتتەر رەگلامەنتتەرىن بەكىتۋ تۋرالى» بۇيرىعىندا. جوعارىدا اتالعان 2-تارماققا: «قازاقستان رەسپۋبليكاسىنىڭ اۋماعىندا ورنالاسقان مەديتسينالىق ۇيىمداردا ستوماتولوگيالىق قىزمەت كورسەتۋ ء(تىستى پروتەزدەۋ، يمپلانتاتسيالاۋ)» دەلىنگەن. «بىرجولعى زەينەتاقى تولەمدەرىن الۋشىعا قور قارجىسىن ءوز بالاسىن ەمدەۋ ءۇشىن پايدالانۋعا رۇقسات ەتىلەدى»، - دەلىنگەن تۇزەتۋلەر جوباسىندا.