جەر سىلكىنىسى قاتەرى. جاپونيا پرەمەر-ءمينيسترى قازاقستانعا كەلمەيتىن بولدى

جاپونيا پرەمەر-ءمينيسترى فۋميو كيشيدا قازاقستانعا جوسپارلانعان ساپارىن توقتاتتى، دەپ حابارلايدى "ادىرنا" ۇلتتىق پورتالى. «جاپونيا ەلشىلىگىنىڭ مالىمەتىنشە، ءوز ەلىندەگى جەر سىلكىنىسىنە بايلانىستى پرەمەر-مينيستر فۋميو كيشيدانىڭ قازاقستانعا ساپارىن توقتاتۋ تۋرالى شەشىم قابىلداندى»، - دەپ حابارلادى جۇما كۇنى قازاقستان سىرتقى ىستەر مينيسترلىگىنىڭ رەسمي وكىلى ايبەك سمادياروۆ. بۇعان دەيىن 8 تامىز كۇنى جاپونيادا ماگنيتۋداسى 7,1 بولاتىن جەر سىلكىنىسى بولعان ەدى. ايماقتا جاڭا جەر سىلكىنىسى قاۋپى ءالى دە بار. سونداي-اق تسۋنامي قاۋپى بار ەكەنى حابارلاندى. ايتا كەتەيىك، كيشيدانىڭ قازاقستانعا رەسمي ساپارى 9-10 تامىز كۇندەرى بولۋى كەرەك ەدى. جاپونيا مينيسترلەر كابينەتىنىڭ باسشىسى «ورتالىق ازيا + جاپونيا» ديالوگىنىڭ ءبىرىنشى سامميتىنە قاتىسۋدى، ال 10 تامىزدا پرەزيدەنت قاسىم-جومارت توقاەۆپەن كەلىسسوزدەر جۇرگىزۋدى جوسپارلاعان بولاتىن.