25 جەلتوقساندا گروزنىي ماڭىندا ورىن العان AZAL اۋە كومپانياسىنىڭ ۇشاعى اپاتىنا قاتىستى تەرگەۋ ءىشىنارا قۇپيالاندى، دەپ حابارلايدى “ادىرنا” ۇلتتىق پورتالى Turan.az-عا سىلتەپ.
بۇل تۋرالى سەنبى كۇنى ۆچك-وگپۋ Telegram-ارناسى حابارلادى.
اسكەري قىزمەتكەرلەردىڭ ارەكەتتەرىنە قاتىستى «اسكەري بولىك» تەرگەۋى قۇپيالانىپ، بارلىق تەرگەۋ شارالارىن جەرگىلىكتى اسكەري تەرگەۋشىلەر جۇرگىزۋدە. سونىمەن قاتار، كەيبىر تەرگەۋشىلەر گروزنىيدا جۇمىس ىستەپ جاتسا، ءبىر بولىگى اقتاۋعا بارىپ، اپات ورنىندا زەرتتەۋ جۇمىستارىن جۇرگىزۋگە رۇقسات العان.
سوڭعى كۇندەرى اۋە ديسپەتچەرى مەن ۇشۋلاردى باسقارۋ ءبولىمىنىڭ باسشىسى جاۋاپقا تارتىلعانى انىقتالعان. بىراق ولارعا ايىپ تاعىلماعانى بەلگىلى بولدى. ۇشاقتىڭ ناۆيگاتسيالىق جۇيەلەرىنىڭ بۇزىلۋ سەبەپتەرىن جانە جاعدايلارىن مۇقيات تەكسەرىلىپ جاتىر.
ءىس بويىنشا قوسىمشا مالىمەتتەر جاريالانبايدى. ال تەرگەۋ جۇمىستارى جالعاسۋدا.
