17 قاڭتار كۇنى سەمەي قالاسىندا بەلگىلى ساياساتكەر، قوعام قايراتكەرى، ءماجىلىستىڭ بۇرىنعى دەپۋتاتى تولەن توقتاسىنوۆتى ەسكە الۋعا ارنالعان شاحماتتان تۋرنير ءوتتى، دەپ حابارلايدى “ادىرنا” ۇلتتىق پورتالى.
ءتۋرنيردى ۇيىمداستىرىپ، دەمەۋشىلىك جاساعان - تولەن توقتاسىنوۆتىڭ وتباسى.
سونداي-اق، تۋرنيرگە وبلىستىق شاحمات فەدەراتسياسى، «نەۆادا-سەمەي» قورى، «ۆايناح» شەشەن-ينگۋش مادەني ورتالىعى مەن «ايشا-ءبيبى» حالىقتىق ءانسامبلى قاتىسىپ، قولداۋ ءبىلدىردى.
شاحمەتتان جارىسقا 38 ادام ءتۇستى.
تۋرنير بارىسىندا ولجاس سۇلەيمەنوۆ باسقارعان «نەۆادا-سەمەي» قورىنىڭ اباي فيليالىنىڭ ديرەكتورى سۇلتان كارتوەۆ تولەن توقتاسىنوۆقا ارنالعان ءتوس بەلگىنى ونىڭ ۇلى اليحانعا تابىستادى.
اباي اۋداندىق قوعامدىق كەڭەسىنىڭ مۇشەسى، وڭىرگە سىيلى ادام نۇرلانبەك توقتاباەۆ تولەن توقتاسىنوۆتى ەسكە الىپ، تۋرنيرگە قاتىسقاندارعا العىسىن ءبىلدىردى.
ء“وزىمىزدىڭ جەرلەسىمىز، باۋىرىمىز تولەن توقتاسىنوۆ سەمەيدەن شىعا وتىرىپ، ەلدىڭ مۇڭىن جوقتاپ، حالىقتىڭ وركەندەپ-وسۋىنە ۇلكەن ەڭبەك قىلدى. ءسويتىپ ءجۇرىپ، ماجىلىسكە دەپۋتات بولىپ، ۇلكەن ساياساتكەر بولىپ، قازاقستاننىڭ تۇلعاسى بولا ءبىلدى.
كەشەگى 2000 جىلدارداعى جەر ماسەلەسىن شەشۋدەگى 11 دەپۋتتاتىڭ ءبىرى - تولەن توقتاسىنوۆ ەلى. ول قوعام قايراتكەرى بولا ءبىلدى. ءبىزدىڭ ەلىمىزدەن، جەرىمىزدەن شىققان ۇلدارىمىز وسىنداي ەرلىكتى كورسەتىپ، قازاقستاننىڭ دامۋىناۇلكەن ەڭبەگىن ءسىڭدىردى. سونداي ازاماتىمىزدى ەسكە الىپ، وسىندا وتىرعان سەمەيلىكتەر، جورا-جولداستارى، تۋعان-تۋىستارى شاحمات تۋرنيرىن ۇيىمداستىرىپ جاتىر. ۇيىمداستىرىپ جاتقان ازاماتتارعا، تۋرنيرگە قاتىسۋشىلارعا ۇلكەن العىس ايتامىز. ەڭبەكتەرى جانا بەرسىن!” دەدى نۇرلانبەك توقتاباەۆ.
