17 qańtar kúni Semeı qalasynda belgili saıasatker, qoǵam qaıratkeri, Májilistiń burynǵy depýtaty Tólen Toqtasynovty eske alýǵa arnalǵan shahmattan týrnır ótti, dep habarlaıdy “Adyrna” ulttyq portaly.
Týrnırdi uıymdastyryp, demeýshilik jasaǵan - Tólen Tóqtasynovtyń otbasy.
Sondaı-aq, týrnırge oblystyq shahmat federaııasy, «Nevada-Semeı» qory, «Vaınah» sheshen-ıngýsh mádenı ortalyǵy men «Aısha-bıbi» halyqtyq ansambli qatysyp, qoldaý bildirdi.
Shahmettan jarysqa 38 adam tústi.
Týrnır barysynda Oljas Súleımenov basqarǵan «Nevada-Semeı» qorynyń Abaı fılıalynyń dırektory Sultan Kartoev Tólen Toqtasynovqa arnalǵan tós belgini onyń uly Alıhanǵa tabystady.
Abaı aýdandyq qoǵamdyq keńesiniń múshesi, óńirge syıly adam Nurlanbek Toqtabaev Tólen Toqtasynovty eske alyp, týrnırge qatysqandarǵa alǵysyn bildirdi.
“Ózimizdiń jerlesimiz, baýyrymyz Tólen Toqtasynov Semeıden shyǵa otyryp, eldiń muńyn joqtap, halyqtyń órkendep-ósýine úlken eńbek qyldy. Sóıtip júrip, Májiliske depýtat bolyp, úlken saıasatker bolyp, Qazaqstannyń tulǵasy bola bildi.
Keshegi 2000 jyldardaǵy jer máselesin sheshýdegi 11 depýttatyń biri - Tólen Toqtasynov eli. Ol qoǵam qaıratkeri bola bildi. Bizdiń elimizden, jerimizden shyqqan uldarymyz osyndaı erlikti kórsetip, Qazaqstannyń damýynaúlken eńbegin sińdirdi. Sondaı azamatymyzdy eske alyp, osynda otyrǵan semeılikter, jora-joldastary, týǵan-týystary shahmat týrnıryn uıymdastyryp jatyr. Uıymdastyryp jatqan azamattarǵa, týrnırge qatysýshylarǵa úlken alǵys aıtamyz. Eńbekteri jana bersin!” dedi Nurlanbek Toqtabaev.
