الەۋمەتتىك جەلىدە تاراز قالاسىندا 16 جاستاعى ءجاسوسپىرىم وگەي اكەسىنەن بالا بوساندى دەگەن اقپارات تارادى. جامبىل وبلىسىنىڭ پوليتسيا دەپارتامەنتى بۇل وقيعاعا قاتىستى تۇسىنكتەمە بەردى، دەپ حابارلايدى «ادىرنا» ءتىلشىسى.
پوليتسيا قىزمەتكەرلەرى جۇرگىزگەن جەدەل-ىزدەستىرۋ ءىس-شارالارىنىڭ ناتيجەسىندە قىلمىستىق ارەكەتتى جاسادى دەگەن كۇدىكپەن قىزدىڭ 54 جاستاعى وگەي اكەسى انىقتالىپ، ۇستالعان.
«قازىر اتالعان فاكتى بويىنشا قىلمىستىق كودەكستىڭ 120-بابىنىڭ 3-1-بولىگى «كامەلەتكە تولماعان بالانى زورلاۋ» بويىنشا سوتقا دەيىنگى تەرگەۋ امالدارى جۇرگىزىلىپ جاتىر. بىرقاتار قاجەت سوت-مەديتسينالىق ساراپتاما تاعايىندالدى. تەرگەۋ سوتىنىڭ سانكتسياسىمەن كۇدىكتى قاماۋعا الىندى»،– دەپ تولىقتىردى پوليتسيا دەپارتامەنتى.
ايتا كەتەيىك، بۇل وقيعا تۋرالى پوليتسياعا بوسانعان قىز تۇسكەن وبلىستىق پەريناتالدىق ورتالىقتىڭ قىزمەتكەرلەرى مالىمدەگەن. كۇدىكتى ايىپتاۋلاردى جوققا شىعاردى.
