Äleumettık jelıde Taraz qalasynda 16 jastaǧy jasöspırım ögei äkesınen bala bosandy degen aqparat tarady. Jambyl oblysynyŋ polisiia departamentı būl oqiǧaǧa qatysty tüsınkteme berdı, dep habarlaidy «Adyrna» tılşısı.
Polisiia qyzmetkerlerı jürgızgen jedel-ızdestıru ıs-şaralarynyŋ nätijesınde qylmystyq ärekettı jasady degen küdıkpen qyzdyŋ 54 jastaǧy ögei äkesı anyqtalyp, ūstalǧan.
«Qazır atalǧan faktı boiynşa Qylmystyq kodekstıŋ 120-babynyŋ 3-1-bölıgı «Kämeletke tolmaǧan balany zorlau» boiynşa sotqa deiıngı tergeu amaldary jürgızılıp jatyr. Bırqatar qajet sot-medisinalyq saraptama taǧaiyndaldy. Tergeu sotynyŋ sanksiiasymen küdıktı qamauǧa alyndy»,– dep tolyqtyrdy polisiia departamentı.
Aita keteiık, būl oqiǧa turaly polisiiaǧa bosanǧan qyz tüsken oblystyq perinataldyq ortalyqtyŋ qyzmetkerlerı mälımdegen. Küdıktı aiyptaulardy joqqa şyǧardy.
