"جوعارى لاۋازىمدى پوليتسەيدىڭ قىزى". اقتاۋدا "قىز زورلادى" دەپ ايىپتالعان ەر ادام سوتتالدى

1125
Adyrna.kz Telegram
https://adyrna.kz/content/uploads/2023/10/7fbdc810d7cd0bd3c46a3f61d576498475a3bf77-960x500.jpg?token=db95af414526e0ac6ab7f98b17c6c0df
اقتاۋدا ەر ادام كامەلەتكە تولماعان قىزدى زورلاعانى ءۇشىن 15 جىلعا سوتتالدى، دەپ حابارلايدى "ادىرنا" ۇلتتىق پورتالى Orda.kz-كە سىلتەپ.
سوت بارىسىندا جابىرلەنۋشى جىگىتتىڭ ونى كۇشپەن جىنىستىق قاتىناسقا تۇسۋگە ماجبۇرلەگەنىن، ەركىنەن تىس شەشىندىرگەنىن جانە الەۋمەتتىك جەلىلەردە كومپرومات جاريالايمىن دەپ قورقىتقانىن ايتتى
21 جاستاعى جىگىتتىڭ اتا-اناسى ونىڭ 17 جاستاعى قىزبەن كەزدەسىپ جۇرگەنىن جانە وعان ۇيلەنبەك بولعانىن ايتقان. الايدا بۇل ىسكە جابىرلەنۋشىنىڭ وتباسى ارالاسقانى انىقتالدى. باق مالىمەتىنشە،  ءجاسوسپىرىمنىڭ جوعارى لاۋازىمدى پوليتسەيدىڭ قىزى ەكەنى انىقتالدى. 2025 جىلدىڭ اقپان ايىنىڭ باسىندا ماڭعىستاۋ وبلىسىنىڭ اۋدانارالىق قىلمىستىق سوتى 21 جاستاعى ازاماتقا ۇكىم شىعاردى. ول قر قىلمىستىق كودەكسىنىڭ 120-بابى («زورلاۋ») بويىنشا كىنالى دەپ تانىلىپ، 15 جىلعا باس بوستاندىعىنان ايىرىلدى. سوت جابىق رەجيمدە ءوتتى. ءىستىڭ ەگجەي-تەگجەيىن سوتتالۋشىنىڭ وتباسى باياندادى. «ءبىز شىلدە ايىندا ۇلىمىزدى ۇيلەندىرەمىز دەپ دايىندالىپ جۇرگەنبىز. مامىر ايىنىڭ سوڭىندا ەلنۇر ا.-عا (جابىرلەنۋشىگە) ۇيلەنگىسى كەلەتىنىن ايتىپ، بۇل تۋرالى اناسىنا حابارلاۋىن سۇراعان. الايدا قىز كەنەتتەن ولار ەندى كەزدەسپەيتىنىن جانە وقۋىن جالعاستىراتىنىن ايتتى. ۇلىم ابىرجىپ، ماعان قىزدىڭ جاۋابىن جەتكىزدى»، – دەدى سوتتالعان جىگىتتىڭ اناسى زىليحا ورازباەۆا. ايەلدىڭ سوزىنشە، ەر ادام جابىرلەندىم دەگەن قىزدان قارىم-قاتىناستىڭ اياقتالۋ سەبەبىن سۇراعان. بىراق قىز قوڭىراۋلارعا جاۋاپ بەرمەي قويعان كورىنەدى. «كەيىن ۇلىما قىزدىڭ اناسى حابارلاما جازدى: «سەن مەنىڭ قىزىما جولاۋشى بولما. مەن قىزىمدى سەن سياقتىعا بەرمەيمىن. سەن ونىڭ تىرناعىنا دا تاتىمايسىڭ».  بىراز ۋاقىتتان كەيىن پوليتسيا قىزمەتكەرلەرى ۇلىمنىڭ جۇمىسىنا كەلىپ، ونى بولىمشەگە الىپ كەتتى. ول جەردە كەشكى التىعا دەيىن ۇستادى. باسىندا ەشقانداي شاعىم بولماعان. كەيىننەن قىزدىڭ اكەسىنىڭ نۇسقاۋىمەن ەلنۇردان جاۋاپ الىنعان»، – دەيدى زىليحا ورازباەۆا.
پىكىرلەر