رەسەي وزبەكستانداعى شاعىن اەس ءۇشىن يادرولىق رەاكتور جاساۋدى باستادى

1069
Adyrna.kz Telegram
https://adyrna.kz/content/uploads/2025/05/2eb87ed8-e198-47ef-8eb3-45054142e8a9-960x500.jpeg?token=588b090d6b9349f75a8bee5c00207de4

سانكت-پەتەربۋرگتەگى «اەم-سپەتسستال» زاۋىتىنىڭ ماماندارى، «روساتوم» مەملەكەتتىك كورپوراتسياسىنىڭ ماشيناجاساۋ ديۆيزيونىنا قاراستى كاسىپورىن، وزبەكستاندا سالىناتىن شاعىن قۋاتتى اتوم ەلەكتر ستانتسياسىنا (شقاەس) ارنالعان ريتم-200ن رەاكتور قوندىرعىسىن جاساۋدى باستادى. بۇل تۋرالى رەسەيلىك كورپوراتسيانىڭ ءباسپاسوز حابارلاماسىندا ايتىلدى، دەپ حابارلايدى “ادىرنا”.

اتاپ وتىلگەندەي، مەتاللۋرگتەر رەاكتور قوندىرعىسىنىڭ كورپۋسى مەن ونىڭ جوعارعى قاقپاعىن جالعايتىن فلانەتس ەلەمەنتىن جاساۋ ءۇشىن 205 توننا سالماق بولاتىن ارنايى لەگيرلەنگەن بولاتتان قۇيما دايىندادى.

«روساتوم» مالىمەتىنشە، جابدىقتىڭ العاشقى ەلەمەنتىنىڭ جاسالۋى Power Uzbekistan-2025 حالىقارالىق كورمەسىندە تانىستىرىلدى. بۇل كورمەگە ەنەرگەتيكا سالاسىنىڭ ساراپشىلارى مەن سالالىق مينيسترلىكتەر مەن ۆەدومستۆولاردىڭ باسشىلارى قاتىستى.

كورپوراتسيانىڭ ءباسپاسوز قىزمەتى بولاتتى قۇيۋ ۇدەرىسىن يادرولىق رەاكتور جاساۋدىڭ ناقتى باستاماسى دەپ سيپاتتادى. بارلىق تەحنولوگيالىق كەزەڭدەر اياقتالعاننان كەيىن بۇل دايىنداما رەاكتور كورپۋسىنىڭ ءبىرتۇتاس قۇرىلىمىن جيناۋ ءۇشىن ديۆيزيوننىڭ باسقا كاسىپورىندارىنا جىبەرىلەدى.

«ماشيناجاساۋ ديۆيزيونىنىڭ كاسىپورىندارى ريتم سەريالى رەاكتور قوندىرعىلارىن جاساۋ تاجىريبەسىنە جانە قاجەتتى وندىرىستىك قۋاتقا يە. بۇل رەاكتورلار بىرنەشە جىلدان بەرى مۇزجارعىش فلوتتا ءساتتى قولدانىلىپ كەلەدى. وزبەكستانداعى شقاەس ءۇشىن دايىندالاتىن ريتم-200ن سەريالى التى رەاكتورلىق قوندىرعىنى جاساۋ بارىسىندا ءبىز وسى ءبىلىمىمىز بەن

قۇزىرەتتەرىمىزدى تولىق پايدالانامىز»، — دەدى «روساتوم» ماشيناجاساۋ ديۆيزيونىنىڭ باسشىسى يگور كوتوۆ.

ايتا كەتسەك، وزبەكستان مەن رەسەي اراسىنداعى اتوم ەنەرگەتيكاسى سالاسىنداعى ىنتىماقتاستىق تۋرالى كەلىسىمگە 2017 جىلعى جەلتوقساندا قول قويىلعان بولاتىن. وندا وزبەكستانداعى العاشقى اەس-ءتىڭ قۇرىلىسى قاراستىرىلعان. جوسپار بويىنشا، قۇنى $11 ملرد بولاتىن العاشقى ەنەرگەتيكالىق بلوك 2028 جىلى ىسكە قوسىلۋى ءتيىس.

2024 جىلعى 27 مامىردا رەسەي پرەزيدەنتى ۆلاديمير ءپۋتيننىڭ تاشكەنتكە جاساعان مەملەكەتتىك ساپارى اياسىندا «روساتوممەن» شقاەس جوبالاۋ، جابدىقتاۋ جانە قۇرىلىس جۇمىستارىنا قاتىستى جاڭا كەلىسىمشارتقا قول قويىلدى.

وزبەكستاندا سالىنىپ جاتقان شاعىن اەس نەگىزىندە ريتم-200ن سۋ-سۋمەن سالقىنداتىلاتىن يادرولىق رەاكتورى جاتىر. بۇل رەاكتورلار بۇرىن اتومدىق مۇزجارعىشتاردا پايدالانىلىپ، تەڭىز جاعدايىندا سەنىمدىلىگىن دالەلدەگەن. الايدا ءدال وسى تيپتەگى جەرۇستى ستانتسيا ءالى سالىنباعاندىقتان، ول تولىققاندى رەفەرەنتتى جوبا بولىپ سانالمايدى.

“وزبەكستان بۇل تەحنولوگيا ءۇشىن تاجىريبە الاڭىنا اينالماي ما” دەگەن سۇراققا «ۋزاتوما» اگەنتتىگىنىڭ باسشىسى ازيم احمەدحادجاەۆ: «ونداي قاۋىپ جوق، سەبەبى بۇل تەحنولوگيالار جەرۇستى پايدالانۋعا بەيىمدەلگەن، ال جۇمىس ىستەۋ ءپرينتسيپى وزگەرمەيدى»، — دەپ جاۋاپ بەردى.

پىكىرلەر