تۇركيادا رەسەي مەن ۋكراينا دەلەگاتسيالارىنىڭ ءۇش جىلدا العاش وتكىزىلگەن كەلىسسوزدەرى اياقتالدى، دەپ حابارلايدى “ادىرنا” ۇلتتىق پورتالى.
اقپاراتتارعا سايكەس، كەزدەسۋ شامامەن ەكى ساعاتقا سوزىلدى. رەسەي دەلەگاتسياسى ءۇزىلىس الىپ، زالدان شىققانى بەلگىلى. كەزدەسۋ قورىتىندىسى بويىنشا ولار جاقىن ارادا ءباسپاسوز الدىنا شىقپاق.
سونىمەن قاتار، ۋكراينا پرەزيدەنتى ۆلاديمير زەلەنسكي دە اتالعان كەزدەسۋگە قاتىستى ءوز ويىن ايتىپ ۇلگەردى.
"ەگەر پۋتين تۇركياعا كەلۋدەن قورىقپاعاندا وسى اپتادا ءبىز سوعىستى اياقتاۋ تۇرعىسىندا ماڭىزدى قادامدار جاساۋعا ناقتى مۇمكىندىك الار ەدىك. مەن كەشە انكارادا بولدىم، پرەزيدەنت ەردوعاننىڭ شاراعا ات سالىسۋى مەن جىلى قابىلداۋى ءۇشىن العىس ايتامىن. پۋتينمەن انكارادا نەمەسە ىستامبۇلدا تىكەلەي كەزدەسۋگە دايىن بولدىم. كەزدەسۋگە دەيىن عانا ەمەس، مەنىڭ ويىمشا، بارلىق ماڭىزدى ماسەلەلەردى شەشۋ ءۇشىن. بىراق ول ەشتەڭەگە كەلىسپەدى. ءپۋتيندى ايتامىن. ىستامبۇلعا كەلگەن رەسەي دەلەگاتسياسى وتە تومەن دەڭگەيدە ەكەنى بەلگىلى. ونىڭ قۇرامىندا
ونىڭ ايتۋىنشا، ۋكراينا سوعىستى اياقتاۋ ءۇشىن بارلىق ناقتى قادامعا بارۋعا دايىن.
"مەن ءپۋتيندى ءوز دەلەگاتسياسىنا ناقتى وكىلەتتىكتەر بەرۋگە شاقىرامىن. كۇنى بويى ىستامبۇلدا نە بولىپ جاتقانىن جانە رەسەي دەلەگاتسياسى ناقتى قادامدار جاساي الادى ما، سوعان قاتىستى بارلىق مالىمەتپەن ءبولىسىپ وتىراتىن بولامىن", - دەپ ءسوزىن تۇيىندەيدى ۋكراينا باسشىسى.
سونداي-اق، ۋكراينانىڭ قورعانىس ءمينيسترى رۇستەم ۋمەروۆ باق الدىندا ولاردىڭ تاراپى، ەڭ الدىمەن، اتىستى توقتاتۋ ماسەلەسىن تالقىلاعانىن ايتتى. ەكى جاق ءوزارا ءار جاقتان ءبىر مىڭنان تۇتقىن الماساتىن بولىپ كەلىسكەن. باسق دەتالدارى ايتىلمايدى.