بۇگىن مەملەكەت باسشىسى قاسىم-جومارت توقاەۆ ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە وراي استانا قالاسىنىڭ ماڭىنداعى الجير مۋزەي-مەموريالدىق كەشەنىنە باردى، دەپ حابارلايدى "ادىرنا" ۇلتتىق پورتالى اقورداعا سىلتەپ.
پرەزيدەنت مەموريالعا گۇل شوقتارىن قويىپ، جازىقسىز جازالانعان ميلليونداعان ازاماتتاردىڭ رۋحىنا تاعزىم ەتتى. قاسىرەتتى جىلداردا وپات بولعانداردى ءبىر مينۋت ۇنسىزدىكپەن ەسكە الدى.
ساپار بارىسىندا مەملەكەت باسشىسى كەڭەستىك توتاليتارلىق جۇيەنىڭ قۇربانى بولعان ايەلدەر تۋرالى تىڭ دەرەكتەر مەن قۇجاتتار ساقتالعان الجير مۋزەيىن ارالاپ كوردى.
پرەزيدەنت قاسىم-جومارت توقاەۆ قۋعىن-سۇرگىن جانە اشارشىلىقتىڭ قازاق حالقىنا تيگىزگەن وراسان زاردابىنا توقتالىپ، مۇنداي قايعىلى كەزەڭدەردىڭ ەندى ەشقاشان قايتالانباۋى كەرەكتىگىن اتاپ ءوتتى.
ەسكە سالا كەتەيىك، قازاقستاندا 31 مامىر – ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى رەتىندە 1997 جىلى بەكىتىلگەن.
ۇقساس جاڭالىقتار
