مەملەكەت باسشىسى قاسىم-جومارت توقاەۆ يران پرەزيدەنتى ماسۋد پەزەشكيانمەن تەلەفون ارقىلى سويلەستى. بۇل تۋرالى بۇگىن، 5 ماۋسىمدا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
پرەزيدەنتتەر ءبىرىن-ءبىرى بارشا مۇسىلمان قاۋىمى ءۇشىن قاسيەتتى قۇربان ايت مەيرامىمەن قۇتتىقتادى.
قاسىم-جومارت توقاەۆ پەن ماسۋد پەزەشكيان ەكى ەلدىڭ دوستىققا، تاتۋ كورشىلىككە نەگىزدەلگەن قارىم-قاتىناسى قارقىندى دامىپ كەلە جاتقانىن اتاپ ءوتتى.
اڭگىمەلەسۋ بارىسىندا ساۋدا-ەكونوميكالىق جانە ينۆەستيتسيالىق ىنتىماقتاستىقتى كەڭەيتۋدىڭ پەرسپەكتيۆاسى قاراستىرىلدى. تاراپتار الداعى كەزدەسۋلەردىڭ كەستەسىن تالقىلادى.
