9 ماۋسىمدا الماتى قالاسىندا گەرمانياداعى كەڭەس اسكەرى توبىنىڭ (گكات — ۆكشات) قۇرىلعانىنا 80 جىل تولۋىنا ارنالعان سالتاناتتى ءىس-شارا ءوتتى. مەرەيتويلىق شارانى گكات-ۆكشات ارداگەرلەرى رەسپۋبليكالىق قوعامدىق بىرلەستىگىنىڭ الماتى قالالىق فيليالى ۇيىمداستىردى. ءىس-شارا تاڭعى ساعات 9:00-دە 28 گۆاردياشى-پانفيلوۆشىلار اتىنداعى ساياباقتاعى داڭق مەموريالى جانىندا باستالدى.
ءىس-شاراعا قر باس شتابىنىڭ ۇيىمداستىرۋ-جۇمىلدىرۋ جۇمىستارى دەپارتامەنتىنىڭ اعا وفيتسەرى، پولكوۆنيك داۋرەنبەك شەگەباەۆ، الماتى قالاسى گسۆگ-گۆۆد ارداگەرلەرى قوعامىنىڭ فيليال باسشىسى قۇرمانعازى تاستانبەك، سونداي-اق قازاقستان رەسپۋبليكاسىنىڭ مەملەكەت جانە اسكەري قايراتكەرى ماحمۇت وتەگەنۇلى قاتىستى.
سالتاناتتى جيىن بارىسىندا ارداگەرلەر مەن قوناقتار
مەرەيتوي قۇرمەتىنە ارنايى قوناقتار مەن ارداگەرلەرگە گەرمانياداعى كەڭەس اسكەرى توبىنىڭ قۇرىلعانىنا 80 جىل تولۋىنا ارنالعان مەرەكەلىك توسبەلگىلەر مەن العىس حاتتار تابىستالدى.
بۇل ماڭىزدى شارا – اسكەري تاريحقا، ارداگەرلەردىڭ ەرەن ەڭبەگىنە قۇرمەت كورسەتىپ، جاس ۇرپاققا پاتريوتتىق تاربيە بەرۋدىڭ جارقىن ۇلگىسى بولدى.
