قازاقستان ازاماتتارى ءموبيلدى قۇرىلعىلاردى IMEI-كود ارقىلى مىندەتتى تۇردە ۆەريفيكاتسيالاۋ تارتىبىنە شاعىمدانىپ جاتىر. وسىعان بايلانىستى ءماجىلىس دەپۋتاتى بولاتبەك ناجمەتدينۇلى ۇكىمەتكە رەسمي دەپۋتاتتىق ساۋال جولدادى، دەپ حابارلايدى "ادىرنا" ۇلتتىق پورتالى.
حالىق قالاۋلىسى بۇل پروتسەستى رەسمي مارتەبەسى جوق، كونكۋرس وتكىزبەي، ATS Mediafon KZ جۇزەگە اسىرىپ جاتقانىنا الاڭداۋشىلىق ءبىلدىردى.
«كومپانيا بۇل قىزمەتتى زاڭ جۇزىندە ەشقانداي قۇقىقتىق نەگىزسىز ۇسىنىپ وتىر. كونكۋرس وتپەگەن، مەملەكەتتىك رۇقسات بەرىلمەگەن، قىزمەت قۇنى ءبىر جاقتى بەلگىلەنگەن. سونىمەن قاتار، كومپانيا ازاماتتاردىڭ جسن، اتى-ءجونى، بايلانىس ءنومىرى مەن قۇرىلعىسىنىڭ IMEI-كودى سياقتى جەكە دەرەكتەرىن زاڭسىز جيناۋدا»، – دەدى دەپۋتات.
ول قازاقستاندىقتار مەن كاسىپكەرلەردەن بۇل جۇيەگە بايلانىستى كوپتەپ شاعىم كەلىپ ءتۇسىپ جاتقانىن ايتتى. مالىمەتتەرگە سۇيەنسەك، ەلدە 12 ميلليونعا جۋىق ءموبيلدى قۇرىلعى ءتيىستى تۇردە تىركەلمەگەن. ءار قۇرىلعىنى ۆەريفيكاتسيالاۋ قۇنى – 3 932 تەڭگە.
سونىمەن قاتار، ناجمەتدينۇلى بۇل سحەما باسەكەلەستىككە قايشى ەكەنىن، ال شىعىندار حالىققا زاڭسىز جۇكتەلىپ جاتقانىن
«ATS Mediafon KZ قانداي نورماتيۆتىك-قۇقىقتىق اكتىلەرگە سۇيەنە وتىرىپ بۇل قىزمەتتى كورسەتىپ وتىر؟ قانداي شەشىممەن جانە كىمنىڭ تاراپىنان تاڭدالدى؟ قىزمەت قۇنى قالاي ەسەپتەلدى جانە جەكە دەرەكتەردى جيناۋعا قانداي زاڭدى نەگىز بار؟» – دەپ ساۋال قويدى دەپۋتات.
ماجىلىسمەن ۆەريفيكاتسيا پروتسەسىن توقتاتىپ، بۇل فۋنكتسيانى ۋاكىلەتتى مەملەكەتتىك ورگانعا بەرۋدى، ال زاڭبۇزۋشىلىقتار انىقتالعان جاعدايدا ازاماتتار مەن كاسىپكەرلەرگە تولەمدەردى قايتارۋدى ۇسىندى. سونىمەن قاتار، سۇر يمپورت سحەمالارىن انىقتاۋ بويىنشا تەرگەۋ جۇرگىزۋ قاجەتتىگىن ايتتى.
ايتا كەتەيىك، بۇعان دەيىن تسيفرلىق دامۋ مينيسترلىگى شەتەلدەن اكەلىنگەن سمارتفونداردى مىندەتتى تىركەۋ جۇيەسىن ەنگىزەتىنىن حابارلاعان. ءار قۇرىلعى ءۇشىن 4 000 تەڭگە تولەۋ قاجەت بولادى، الايدا بۇل قاراجاتتى مەملەكەتتىك ورگان ەمەس، جەكە كومپانيا جينايدى.