ماقتارالداعى قوعام بەلسەندىسى نۇرجامال رەمەتوۆا پرەزيدەنتكە ءوز ۇسىنىسىن جولدادى.
قر پرەزيدەنتى ق.توقاەۆتىڭ نازارىنا!
قر ۇكىمەت باسشىسى ا.ءماميننىڭ نازارىنا!
تۇركىستان وبلىسى اكىمى ءو.شوكەەۆتىڭ نازارىنا!
مەنىڭ بيلىككە قويار بەس تالابىم بار:
1. شۇعىل تۇردە ماقتاارال اۋدانىندا قۇرىلىس بريگادالارى قۇرىلىپ، سۋ باسقان ۇيلەردى قالپىنا كەلتىرۋمەن سول بريگادالار اينالىسسىن.
2. تۇرعىن ۇيلەردى قالپىنا كەلتىرۋمەن اينالىساتىن بريگادالار وزگە جاقتان قۇرىلىسشى الىپ كەلۋشى بولماسىن. ەگىندەرىن سۋ باسىپ، سونىڭ سالدارىنان كۇنكورىسىنەن ايرىلعان تۇرعىندار قۇرىلىسقا جۇمىسقا الىنسىن. قۇرىلىسقا جۇمىلدىرىلعان تۇرعىندارمەن كەلىسىمشارت جاسالىپ،جالاقى زاڭدى تۇردە تولەنسىن. ونىڭ مولشەرىن ەڭ تومەنگى جالاقى 42500 تەڭگەگە تىرەپ قويماي، لايىقتى تۇردە ەڭبەكاقى تولەنسىن.
3. ارىس قالاسىنداعى سياقتى مۇندا دا ءار وبلىس قايتا قالپىنا كەلتىرۋمەن اينالىساتىن بولسا، وندا ولار جۇمىسشىنى جەرگىلىكتى تۇرعىنداردان السىن. ويتكەنى وزگە وڭىردەن كەلگەن جۇمىسشىلارعا جاتىن جاي، تاماققا قوسىمشا قاراجات كەتەدى.
جەرگىلىكتى تۇرعىنداردى جۇمىسقا الۋ ءبىر جاعىنان قارجىنى ۇنەمدەسە، ءبىر جاعىنان سۋ اپاتىنان زارداپ شەككەن تۇرعىندار ءۇشىن ۋاقىتشا بولسا دا كۇنكورىس كوزى بولادى.
4. ەڭ ءبىرىنشى كەزەكتە تۇرمىسى تومەن وتباسىلار مەن كوپبالالى وتباسىلاردىڭ ۇيلەرى مەن مۇلىكتەرى قالپىنا كەلتىرىلسىن.
20-30 گەكتارلاپ سۋارمالى جەرلەرى بار ازاماتتاردان بۇرىن 2-3 گەكتار سۋارمالى جەرى بار وتباسىلاردىڭ ەگىستىگىنە تولەم تولەنسىن.
5. ارىستاعىداي شۋ شىقپاۋ ءۇشىن، اۋىل تۇرعىندارىنىڭ بۇلىنگەن ءۇيى مەن مۇلكىن ساراپتايتىن كوميسسيا قۇرامىنا تەك بيلىك وكىلدەرى مەن سولاردىڭ توڭىرەگىندەگى قوعامدىق ۇيىمدار عانا كىرمەي، جەرگىلىكتى قوعام بەلسەندىلەرى دە قاتىستىرىلسىن.
(بەلسەندىلەر ءتىزىمىن قۇرۋعا كومەك بەرە الامىن)
